Schaye

toet di schayes

Ene schaye u ene eschaye, c' est ene tene plate pire ki vént d' l' edjåjhe et k' on s' sieveut po covri les toets, dins sacwants payis.

Sôres di schayes

Les pus spesses si lomèt les xherbins. On è fjheut des toets, des meurs, des montêyes, des pavêyes (schayeye).

• 
• 
• 
  toet d' xherbins
• 
  rodjes xherbins

Produjhaedje des schayes

Les schayes sont saetcheyes di cårires lomêyes «schayires». End aveut toplin so l' Årdene (Viye Såm, Bietris (Schayire del Moreapire), Warmich, Montermé (France) eyet l' Tieraxhe (Fumwè, Aibe, France).

Les ovrîs d' ene schayire si lomnut des schaytons.

Les fwaijheas (pitits bokets nén bons po fé des schayes) sont tapés evoye e-n on hopea k' on lome on verdou (teri di schayire).

Å cminçmint, les xherbins sont co sol tere, et gn è k' a les sorlever po les awè foû et lzès poirter evoye.

• 
  råyeu di schayes
• 
  poirteu di schayes
• 
  verdou d' Warmich

Tcheriaedje des schayes

Dispu l' 12inme sieke, po les schayires k' estént sol boird di Mouze (Fumwè, Montermé), les schayes estént metowe so des nåkes. Ele dischindént Mouze eviè les Bas Payis bourguignons. Mins faleut payî des winaedjes tos les 10, 20 kilometes.

Dins les belès-letes e walon

Gn a tot on live so l' ovraedje dins les schayires di Fumwè å cmince 20inme sieke: «Veye di tchén» da Gérard Baudrez.