Scrijha œ

Pol discramiaedje des årtikes avou l' mot « œ et oe », loukîz cial.

Li scrijha œ, c' est on scrijha tipografike fwait pa l' aplacaedje del lete O et del lete E.

Siervaedje e l' alfabet fonetike eternåcionå

Dins l' AFE, i sieve eto po rinde l' son ë (/œ/).

Siervaedje e francès

E francès, po des mots d' etimolodjeye latene, il est todi aplaké a on «U», la ki l' troke «œu» rind l' son ë (/œ/), ou a on «i», la ki l' troke «œi» rind l' son eu (/ø/). Li mot parint corespondant e walon a-st on son oû (/u:/). On l' ritrouve dins des mots come:

• «cœur» (cour).
• «bœuf» (boû).
• «œil» (ouy).

po des mots (sincieus) d' etimolodjeye greke. Li prononçaedje puriveus est l' son é (/e/); mins l' prononçaedje corant est sovint l' son eu (/ø/), pa assaetchance des mots d' oridjene latene, pus corants, cial å dzeur. Li calcaedje corespondant e walon si screye avou e (/ɛ/). On l' ritrouve dins des mots come:

• «œsophage» (ezofadje, buzea d' avala).
• «fœtus» (fetusse)

Siervaedje e walon scrît e Feller

Il a pacô stî rprins e walon scrît e Feller, cwand li clintcha francès-rshonnant minéve a des ortografeyes come «cœûr» (cour, C1) la ki l' shuvion «œû» riprezinte li son eû (/øː/).

Li minme mot, avou l' minme prononçaedje, est scrît «keûr» dins des ôtes motîs do walon, come li ci d' Bastogne.

Dins des Feller timprous, e l' Årdene nonnrece, on a eto ci scrijha la, ricopyî do francès po l' mot «œil» (ouy):

Elle air grande è maigue, poï couleûr d'airp' sètche,

L'œil vif è ardent, gueûl' fin' coume in bètche,

Les cônes assez longues, le vint' petot plat :

C'estot coume in çairf, oh vraiment ! c'vatch'-là.

(Elle ere grande et maigue, poy coleur di setche yebe / L' ouy vif ey årdant, gueuye fene come on betch / Les coines assez longues, li vinte putoit plat: c' esteut come on cier, o vormint, ç' vatche la)