Set solos po Rathmès (tchanson)

Set solos po Rathmès (Sèt´ solos po Rathmès), c' est ene tchanson egadjeye, sicrîte pa Guy Fontaine et metowe e muzike pa Jacques Lefebvre.

Li tchanson a stî tchantêye ps Michel Azaïs et rprinjhe sol sitroete plake «Loyminoye».

Istwere del tchanson

Les deus djins k' on a dit s' ont rescontré a Serè li djoû di l' etermint da Jean Rathmès, et djustumint, ci djoû la, i lujheut les set solos.

Tinme

Li tchanson djåze di l' ouve di Djan Rathmès, ki fjheut del powezeye tot disfindant les ovrîs. Et critiker les gros ki ramonçlént del ritchesse sins ratna.

Mins on esteut ddja do trevén do rescoulaedje di l' industreye:

Li ritchesse a cwité l' valêye.

Cåzaedje

I.

On n’ s’ ehale nén del powezeye

E payis d’ fier, des Råyeus d’ clås;

On n’ fruzixh nén po des tchitcheyes

Li cou sol Terisse des Coirbås.

Mins cwand l’ pere est moussî d’ bleuwe toele

Li rodje do sonk wåde des coixheures

A scrire des hoûlas dzo les stoeles

Rimés dvins les plåyes do måleur.

Resploe

Dj’ a veyou set solos

E l’ poûssire di Serè.

Cwand t’ a scrît ki l’ ritchesse

Florixheut sins nou rgret.

II.

L’ amour esteut come fleur souwêye

Å pî do Terisse des Coirbås.

L’ acî coreut foû del botaye

Spitant des blawetes totavå

Drî l’ foumire, t’ end as fwait des stoeles,

Pus rglatixhantes ki les rudeurs;

Ele blamént po des ouys d’ aveules

Mins l’ amour ridivna ene wadjeure.

Resploe 2

T’ as metou set solos

E l’ noeristé d’ Serè.

Tot mådixhant l’ ritchesse

Ki florixh sins nou rgret.

III.

Li ritchesse a cwité l’ valêye

Åtoû do terisse des coirbås.

Et Djhan doime e l’ aite del biedjreye.

Mins mi dj’ ô co boerler s’ hoûla,

Li hoûla d’ Serè dzo des stoeles

Pondowes do sonk et del souweur

Des cis k’ ont stou moussîs d’ bleuwe toele

Et k’ tapếnt å cir ene loukeure.

Resploe 3

I lujheut set solos

Dvins les pougns di Serè.

Dressîs conte li ritchesse

K’ florixheut sins nou rgret.