Sint Mårtén
Li sint k' on lome å pus sovint sint Mårtén, c' est Mårtén d' Tour, eskepyî e 316 ou 317 a Sabaria (Szombathely) el Hongreye d' asteure, et moirt a Cande e l' France d' asteure e 397.
I n' doet nén esse comaxhî avou sint Mårtén d' Tongue u sint Mårtén bolant, èn ôte sint fiesti el Walonreye.
Mwaissès racsegnes[candjî | candjî l’ côde wiki]
C' est onk des Peres di l' Eglijhe, et on sint po l' Eglijhe Catolike, Ortodosse, Anglikinne. Si vicåreye, on l' kinoxhe do live ki s' lome Mårtén s' vicåreye da Sulpice Sever.
Il est fiesti li 4 di djulete (c' est l' Sint-Mårtén d' esté), eyet li 11 di nôvimbe (Sint-Mårtén d' ivier). Cwand gn a ene termene di bon tins a ç' moumint la (fén octôbe, kiminçmint d' nôvimbe), ça s' lome l' esté Sint-Mårtén.
Vicåreye[candjî | candjî l’ côde wiki]
On n' sait rén do tot di s' mame.
C' est come sôdård k' i s' fijha batijhî a Amiens, la k' il åreut pårti s' mantea avou on pôve.
Il a stî eveke di Tours e France (370-371). I prêtcha po spåde l' Evandjîle dins les campagnes del Gåle.
Sacwantès eglijhes Sint-Mårtén el Walonreye[candjî | candjî l’ côde wiki]
- Frantchimont-dlé-Rmeton
- Leglijhe (la-minme, on prononce sît Mârtî): eglijhe distrûte d' on stron d' pourcea diviè 1978.
- Madjrè : Cwand ene feme ki ratind rexhe foû d' l' eglijhe pask' ele si sint må, on î djheut :"C' est Sint Mårtén ki l' a pité".
- Transene (la-minme sint Mârtin)
