Sitouwåcion linwistike del Walonreye

Cisse pådje ci n' est co k' on djermon, dj' ô bén k' el pådje est djusse sibåtcheye, eyet co trop tene ; et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén « candjî l' pådje » po radjouter des informåcions.

So l' aroyaedje del Walonreye on djåze des diferins lingaedjes, li plupårt estant des lingaedjes romans, mins end a des lingaedjes tîxhons eto.

Lingaedjes oficirs

Les lingaedjes oficires sont l' francès, pol pårteye del Walonreye dizo l' dujhance culturele del kiminålté Walonreye-Brussele eyet l' almand pol kiminålté tîxhon-cåzante di Beldjike.

Les deus lingaedjes sont-st ofircs å pårlumint walon a Nameur.

Li francès cåzé el Walonreye a bråmint des tourneures et des mots et des accints ki lyi vnèt do walon.

Lingaedjes do payis

mape linwistike del walonreye

I gn a shijh lingaedjes do payis so l' aroyaedje del Walonreye, ki sont:

• des lingaedjes romans
  • li walon : eviè 70 åcint del sitindêye; loukîz a Walonreye walon-cåzante.
  • li picård : diviè 15 åcint del sitindêye, ezès cotoûs di Mont, Ate, Tournai.
  • li gåmès : a pô près 5 åcint del sitindêye, dins l' arondixhmint d' Vierton.
  • li tchampnwès : moens ki onk åcint del sitindêye, dilé Suni (troes cwate viyaedjes) et Cou-des-Sårts.
• des lingaedjes tîxhons
  • li lussimbordjwès : 4 åcint del sitindêye dins l' payis d' Årlon, sacwants viyaedjes des comenes di Faiviè et d' Gouvi, so Måtlindje et a Nonne des Redîmés Payis (Sint-Vi)
  • li ripuwaryin : 5 åcint del sitindêye sacwants viyaedjes dilé Vervî et li grande pårteye des comenes del kiminålté tîxhon-cåzante di Beldjike.