Nafraiteure

Nafraiteure (so plaece : Nafrêtère, F. Nafraiture), c' est èn ancyin ptit ban del Walonreye, rebané avou Vresse, el province di Nameur.

• Limeros del posse :
  • asteure : 5550
  • davance : 6881
• Limero diyalectolodjike :
  • A.L.W. : D 126
  • Bruneau : Br 27
• Arondixhmint : Dinant
• Eplaecmint sol daegn : 49°55'00 N - 4°54'56 E.
• Sipotaedje des djins :
  • les Magadês (ma gade, hê; loukîz pus bas)
  • les Bordjoes (la-minme: bourjwas)
• Dimanants : 358, (1910); 303 (1930)

C' est l' minme no ki Fraiteure.

Po l' etimolodjeye et les vîs scrijhas, riwaitîz dins l' esplicant motî.

No di des plaeces di Nafraiteure

Loukîz so ene pådje tote seule

Rilidjon

Eglijhe du 1868, dicåceye a Sinte Ane. Adon, li dicåce, c' est l' dimegne après l' 9 d' octôbe.

Istwere

Sol boirdeure do ban, conte li ban del Pitite Louwete, dilé Sint-Djan, nén lon do Ban Notru-Dame, onz a trové des tomboes belgo-romins ki datrént did divant Dj-C.

Li viyaedje d' asteure pôreut rmonter a 946.

E 1455, li tchapite di Braux (e France) ricnoxhe ås dmanants des veyes et fraiteures del prevôté d' Orcîmont li droet d' aler ås tchamps avou l' sonre dins les bwès d' Lintchamp.

Pol restant d' l' istwere, c' est come Orcîmont.

A vey

A l' eglijhe, on clapant triptike do pinte Leyon Frederik (k' a dmoré kékès anêyes a Nafraiteure) et ki rprezinte :

1. L' umanité coupåbe.
2. Li redampcion
3. Li pere eternel k' assaetche totes les åmes

Accint do walon e 20inme sieke

• Les doûcès consounes å coron ni s' prononcént nén adureyes : ene gade si prononcive èn gad (nén gat, come cåzu totavå l' Walonreye). Did la li no di Magadês (ma gade, hê), prononcî avou d, dabôrd k' ås Boursegnes, metans, on-z aléve prononcî ma gat, ê

Hårdêye difoûtrinne

On ptit roman istorike ki s' passe do costé d' Nafraiteure