Linwe-ehåyaedje

Li linwe-ehåyaedje, c' est c' est tot çou k' est fwait totavå po fé rmonter li statut d' on metou lingaedje.

Po des racsegnes sol mot "linwe-ehåyaedje", alez s' vey e splitchant motî.

Coxhes do linwe-ehåyaedje

Li linwe-ehåyaedje comprind :

• Li rfondaedje del langue, k' on lome eto l' ehåyaedje do coir del langue : ariver a ene comene ôrtografeye, askepyî des noûmots, fé des motîs, des lives di croejhete, candjî l' ôrtografeye; admete u disconsyî les mots etrindjirs, candjî d' alfabet.
• Li linwe-ehåyaedje do statut lu-minme : tot çou ki fwait monter l' idêye ki les cåzants et les ôtes ont d' on metou lingaedje. Po bén fé avancî l' ehåyaedje do statut d' ene langue, i fåt k' i gn åye dedja on rfondaedje bén apontyî. Cwand l' linwe-ehåyaedje est fwait pa èn estat, on cåze purade di politike linwistike.
• Li scole-ehåyaedje : accions po ki toplin des djins aprindénxhe ci lingaedje la. Ki ça fouxhe totavå on payis, u come deujhinme langue, dins l' payis u a l' etrindjir. Li scole-ehåyaedje est fwait pa les estats, les redjons, les comenes, kécfeye des mierdjins (sicoles di walon). Po les grands lingaedjes, gn a eto des instituts metous esprès, come li British Council (po l' inglès), l' Alliance française (pol francès), l' Instituto Cervantes (po l' castiyan) u li Goethe-Institut (po l' almand).

Sacwants lives sol linwe-ehåyaedje

• TAULI, V. (1968) Introduction to a theory of language planning, Uppsala.
• COOPER, R. L. (1989) Language planning and social change, Cambridge University Press, New-York.

Hårdêye divintrinne

• linwe-ehåyaedje do walon