So les spales do novea djoû (powezeyes)

Su lès spales do novia djoû

Su lès spales do novia djoû (So les spales do novea djoû), c' est on ptit live avou nouv powezeyes da Émile Gilliard.

Il a stî saetchî a 6000 egzimplaires, çou k' est onk des pus grands tiraedje po on live e walon.

ISBN 978-2-930964-75-1

Contnou

C' est del powezeye al libe: sins rimes, mins avou on pîtaedje ki dene on tipetape a pårt å powinme.

Les bokets n’ ont pont d’ tite.

Les powinmes e walon sont-st eplaidîs avou on redjårbaedje e francès (da l' oteur lu-minme) metou vizon vizu. Ci tecse francès la est scrît eto a môde powetike. Dj' ô bén : ci n' est nén on ratournaedje mot po mot do tecse e walon. Ça fwait k' å pî del pådje do francès, gn a co kékes målåjheys mots di resplikés.

Li tite a stî saetchî foû des dierins mots do dierin powinme, ki dijhnut :

Èt dj’a potchî à gorlète
su lès spales do novia djoû
tot èwaré.

Eplaidaedjes

Il a stî eplaidî e moes d' octôbe 2022 pal Siervice des Lingaedjes do Payis del Federåcion Walonreye-Brussele, k' a stî cweri ces powinmes la dins l' ramexhnêye À ipe, Cheuyants côps d'ouy d'Apocalipe.

C' est l' tot prumî live e walon k' a rexhou dins l' grande coleccion « Fureur de Lire » (Araedje di lére).

Ci live la est dné po rén a totes les djins ki l' dimandnut. Insi, il est håyné et cossemé dins totes sôres d' evenmints åtoû do lingaedje walon.

Les powinmes do live ont stî eredjistrés pa Jean Delfosse (pol walon) et Jacqueline Gilles (pol francès). On les pout schoûter sol waibe «Objectif plumes» dal Federåcion Walonreye-Brussele ou so ene waibe des «Midis de la poésie».

Corwaitaedje

Sapinse Joseph Bodson, les powinmes dins ç' pitit live la rshonnnut les cis da Charles Péguy et Jean Guillaume.

Hårdêye difoûtrinne

• Aberweter l' pitit live ou schoûter l' eredjistrumint