Tchay Loun
Tchay Loun (chinwès 蔡倫, ralfabetijhî eto Cài Lún u Ts'ai Lun), c' esteut on Chinwès d' inte li prumî et l' deujhinme sieke. C' est lu k' edvinta l' papî.
A cåze di l' impôrtance do papî dins l' diswalpaedje del civilizåcion, il est rindjî å limero 7 des djins les pus inflouwinnes di l' Istwere dins l' djivêye Michael Hart.
Prouve si si egzistance
[candjî | candjî l’ côde wiki]Come c' est èn ome ki n' a nén stî ricnoxhou pa l' Istwere dins les payis do Coûtchant, on s' a dmandé si ç' n' esteut nén on forveyou persounaedje (boutans come les vîs peres des rlidjons monoteyisses, Abråm et Moyisse).
Mins si no est cité dins l' istwere del dinasteye Han. Houte di çoula, c' est ene djin k' a todi stî foirt rilomêye el Chine leye-minme.
Vicåreye
[candjî | candjî l’ côde wiki]C' esteut èn unuke del coû di l' impreur Ho Ti. I lyi vna prezinter si discoviete diviè l' anêye 105. L' impreur esteut si télmint binåjhe di s' trova k' i lyi dna on tite di nôblesse, çou ki l' rinda ritche.
Mins pus tård, a cåze di calmaxhreyes e l' coû d' l' impreur, i fourit disgråcyî. Il åreut adon fwait måleur di s' coir tot boevant on pwezon.[1]
