Tchictchak purnalîs (powinmes)
Tchic-tchac pèrnèlîs
Tchictchak purnalîs (Tchic-tchac pèrnèlîs), c' est ene ramexhnêye di powinmes da Josée Spinosa-Mathot.
Il a stî eplaidî sins date.
C' est des powinmes nén arimés.
Corwaitaedje d' on powinme do livret[candjî | candjî l’ côde wiki]
 |
|
Divins l' boket lomé «Inte deus cayôs», li scrijheuse mådjene on ptit oujhea k' a cafroyî ses aiyes tot djondant l' Daegne. Ene imådje ki rapinse on conte siervou pol definixha d' eternité.
- On ptit moxhon pierdou
- Cache après ene pwaire d' aiyes.
- Il a uzé les sinnes
- A s' broyî al planete.
- Gn a pupont d' plaece por lu dins l' cir.
Nosse moxhon ritrouve li planete Tere tote dizavirêye: pus èn åbe po s' apîçter dsu, pus ene foye po djouwer avou leye. C' est on tåvlea d' fén do monde: n' a ddja pus d' air; did la, pupont d' vint, pupont d' nûlêyes. Pupont d' oraedje, ça fwait; ni d' plouve ni d' bon tins.
- On ptit moxhon mierseu
- Cache après èn åbe
- Il a dschindou so tere
- po sayî d' trover ene miete d' air.
- Mins i n' dimeure pus rén :
- Minme li vint k' est revoye !
- I gn a pupont d' foye a-z atourpiner.
- Pupont d' vint, pupont d' nouwaedje ;
- Pupont d' bouneur, pupont d' oraedje ;
- Pupont d' plouve, pupont d' bea tins.
Tolminme, on sene d' espwer: on boket d' raecinêye, tot souwé evoye ki brike inte deus pires.
- Dins l' crevåde rissetcheye
- D' on royon,
- Gn a ene målureuse raecene ki brike
- Inte deus cayôs.
Li scrijheuse endè saetche ene luçon ecolodjike: on a mezåjhe des raecenes po rfé on monde.
- Ni råyîz nén les raecenes,
- Vos, djins d' ådjourdu !
- On nd årè bén trop dandjî
- Po rfé l' monde di dmwin.
Sabaye si ele ni pinse nén eto ås raecenes del tuzance; adon, åzès ptits lingaedjes, et foiravant, li walon.
Shuvance[candjî | candjî l’ côde wiki]
Ci powinme la sieve est sovint rprins les ovroes walons adjinçnés pa Joëlle Spierkel, e si åboretom.