Tchimin del croes

Èn årtike di Wikipedia.
Sauter à la navigation Sauter à la recherche
Pol discramiaedje des årtikes avou l' mot "Tchimin del croes", loukîz cial
desséns d' efant riprezintant les ståcions metous å meur e l' eglijhe di Transene)
e l' eglijhe di Couyet

Li tchmin del croes[1] u tchimin d' croes, c' est èn ofice do bon vénrdi, la k' on rmimbere li voye ki Djezus-Cri åreut shuvou do tribunå la k' i fourit codåné, disca dsu croupet la k' il åreut stî clawé so ene croes, mori, pu esse dispindou.

Li tchmin d' croes comprind catoizes eståcions.

C' est ene dujhance rilidjeuse catolike, ki s' pout fé ossu divant l' ouxh, u a èn ôte moumint tins do cwareme.

Såme rilidjeuse[candjî | candjî l' côde wiki]

Li creyant catolike ki shût on tchmin d' croes a l' idêye di rsinti – et kécfeye di pårti – les sofrixhances da Djezus-Cri. I rmimbere dins les priyires si fwè ki ces sofrixhances la ont siervou a rlaver li petchî cominçrin:

Insi, après l' no del sitåcion, li priyesse dit li priyire shuvante:

Nos vos adorans, Djezus, et nos vs benixhans.

Et les djins responde:

Paski vos avoz ratchté l' monde pa vosse sinte croes.

Al ûtinme eståcion, Reynolds Hostin el rapele co insi:

Ele (les cmeres k' avént vnou sol voye pol soladjî) compurdèt leu mwaisse k' eva viè s' destinêye
C' est l' pere ki s' sacrifeye po såver ses efants.

Sifwaitmint, al nouvinme sitåcion:

Po sopoirter l' traeyin, I tuze al dilivrance
I tuze a tos ses frés, dåbés a leu nexhance
Pal martchî da Satan et d' leu prumîs parints.[2]

Les catoize sitåcions[candjî | candjî l' côde wiki]

  1. Djezus est codåné a moirt
  2. Djezus est tcherdjî di s' croes
  3. Djezus tome dizo l' poes del croes
  4. Djezus rescontere si moman
  5. Simon dene on côp d' mwin a Djezus
  6. Ene comere rixhoube li vizaedje da Djezus
  7. Djezus tome pol deujhinme côp
  8. Djezus rapåjhtêye les cmeres di Djeruzalem
  9. Djezus tome pol troejhinme côp
  10. Djezus est dismoussî
  11. Djezus est clawé sol croes
  12. Djezus mourt dissu l' croes
  13. Djezus est dischindou del croes
  14. Djezus est metou dins l' tombe[3]
Les catoize eståcions e l' eglijhe Sint-Djôzef di Tchålerwè

Sourdant[candjî | candjî l' côde wiki]

Commons
I gn a so les cmons Wikipedia des imådjes ou fitchîs son a vey avou les ståcions do tchmin d' croes .
  1. emantchåjhe riprinjhe do tite d' on livret e walon da Reynolds Hostin (Li tchmin del croes).
  2. R. Hostin, come cial dizeu.
  3. Tites des ståcions dins l' live da R. Hostin (loukîz ciddé ådzeu) riscrîts e rfondou walon.