Tchirou (hosse-cou)

Pol discramiaedje des årtikes avou l' mot « tchirou », loukîz cial.

Motacilla alba

Motacilla alba yarrellii

Tchirou en Nederlandsche Vogelen" (Oiseaux des Pays Bas), Tome 2 (1789)

Oû d' coucou (a hintche) dins on niyå d' gris hose-cou (deus oûs a droete)

Li tchirou ou gris hosse-cou ou grijhe hosse-cawe, c' est l' pus corant des hosse-cou.

Sincieus no d' l' indje : Motacilla alba

Dizo-indjes

Gn a beacôp des dzo-indjes (M.a. alba, M.a. yarellii d' Inglutere, M.a. subpersonata do Marok, M.a. vidus d' Edjipe).

Lomaedjes

• tchirou : a cåze di s' criyaedje.
• blanc hosse-cou ou gris hosse-cou (dabôrd k' i gn a des sôres cåzu tote noeres) : po mete di l' adire avou li djaene hosse-cou
• wåde-vatche, vatchî : sovint veyou dilé les vatches po magnî les viers dins les flates.
• hosse-cou d' purea : minme idêye, dilé les pårdjires
• marixhå (paski noer et blanc)
• floreye blanke (cafloreye noere et blanke)

Discrijhaedje

C' est l' seul sovdriyî al longue cawe k' est noer et blanc. Li dos et l' cawe sont gris ou tot noers (M.a. yarellii d' Inglutere).

Criyaedje

Cwand i vole, li tchirou evoye èn awiyant "tchirr", nén repeté; did la si no "tchirou".

Vicaedje

Si rescontere voltî dins les cinses, aprume dilé l' ansinî. C' est la k' ele magne des halenes et des påpåds-lôlôs.

Rilomêye di s' no

Li pårti politike "princevekisse" di Lidje, e 17inme sieke, ki poirtént en noere mousseure, estît lomés les Tchirous. I spotchît li revintreye des Grignous e 1646. Did la, li no d' "tchirou" al compote di pemes, al sirôpe, ou a on må-rivnant.