Tchonveye

Tchonveye (la-minme Tchonvîe, dins l' tins les Pårotches , F. Jehonville), c' est èn ancyin ptit ban del Walonreye, rebané avou Bietris, el province do Lussimbork.

ombion di l' eglijhe

Mwaissès dnêyes

• Limeros del posse :
  • asteure : 6880
  • davance : 6854
• Limero diyalectolodjike : Ne 38
• Arondixhmint : Li Tchestea
• Lomaedje et spotaedje des djins :
  • Lomaedje : Tchonviyî, Tchonviyresse (Fr. Jéhonvillois(e) )
  • Sipotaedje : les Pårotchîs (Paurotchîs).

Po l' etimolodjeye et les vîs scrijhas, riwaitîz dins l' esplicant motî.

Rilidjon

Eglijhe modiene. Li pårotche est dicåceye a Sint Macsimin.

No di des plaeces di Tchonveye

Plakes mostrant deus nos d' rowes a l' aplacaedje tîxhon

Hamteas

• Li Sårt (Lu, ou Saurt, Fr. Sart-Jehonville)
• Blanke-Oraye (Blantch Orèye, Fr. Blanche Oreille)
  • Lomaedje des djins : Blantchoreyî, Blantchoreyresse (Fr. Blanchoreillois(e) )
• Åcrumont (Aucrëmont, Fr. Acremont)
• Luchi (Fr. Luchy)
• Li Fleche (La Flèche)

Ôtès plaeces

• Li Mere d' aiwe (ri) (La mére d' êwe)
• Li bî do Sårt (Lë bîr dou Saurt)
• Gurhåmont
• Burtimpré
• L' Ermitaedje
• Li Tournant del Poye (Toûrnant doul Pouye)

Economeye

Industreyes

• Gn a deus soyreyes, ene å Sårt, et l' ôte a Tchonveye.
• Demaraedje del societé "Pierret ouxhs et vites" (Pierret systems), k' a ebagué å zonigne di Transene.

Ôtes activités

Gn a la on tchamp d' aviyåcion militaire. Li pordjet d' endè fé on areyopôrt di martchandijhes (dispu les anêyes 1960) n' a måy polou esse adiercî, di cåze do rclamaedje des djins.

Istwere

Aite di Luchi

Tchonveye esteut ene des cwate mwaireyes del Dutcheye di Bouyon. Ele comprindeut les hamteas di Blanke-Oraye, Åcrumont, li Sårt et Ofagne.

Gn ava ene batreye dins les bwès d' Luchi al guere di 14. Les moirts ont stî eterés a l' aite militaire di Luchi (sol voye d' Ôtchamp a Bietris).

Tuzance walone

• Studia sol walon d' Tchonveye : Jules Boulard; Enquêtes sur le parler d'une commune ardennaise, Jéhonville, Teze di licince, Univ di Lidje, 1960 (riprins sol limero [S104] dins l' Djivêye des motîs do walon).

Hårdêyes difoûtrinnes

• Fåve do Trô do Bok, k' a-st arivé a èn ome di Tchonveye (ramexhnêye pa E. Benoit).
• Waibe do club des djonnes di Tchonveye