Wikipedia:Wikinoveles/Årtchives 2015
A tot les enocins, les ewaerés, les wasses, les barakîs, les måssîs, les bribeus, les grossès biesses, les crapuleus, les edjalés, les rastacweres, les laids djonnes, les dmey-cougnîs, les flairants, les Flaminds, les beas gaméns, les belès feyes et tos les ôtes vîs coyons, et totes les djins ki cåzèt ene miete walon, dji vos sohaite ene boune anêye, ene boune santé, et bråmint d' bouneur dins vos måjhones. Dj' espere bén n' aveur rovyî persoune. On gros betch a tertos di nosse pårt.
Bounès fiesses di Noyé et d' novelan.
Bates di scrijhaedjes
[candjî l’ côde wiki]- Li bate del Kiminålté (e-n alaedje dispu 1932) serè, ciste anêye, po ene ouve di prôze (nén eplaideye divant 2013, po 2500 €) et on rcweraedje di linwince (nén eplaidî divant 2014, po 2500 ôtes €). Les ouves, ki poitront clairmint l’ no del sicrijheuse ou do scrijheu, divèt esse evoyeyes a 6 egzimplaires divant l’ 31 di decimbe 2015 a Nadine Vanwelkenhuyzen, 44, Boulevard Léopold II, 1080 Brussele. Dimandez l’ droet do djeu complet a l’ adresse emile anne.pirson@cfwb.be
- Li bate des scrijheus do Cinte (e-n alaedje dispu 2014) riçuvrè cite anêye ci, leye eto, ene ouve di prôze avou dipus d’ 4 pådjes, nén eplaideye divant 2014. Gn a rén ki broûle, ci n’ est k’ pol 15 di may 2016. N a 1500 € pol prumî, 750 € pol deujhinme. Fåt 5 egzimplaires, a-z evoyî avou ses no ey adresse a Christian Quinet, rue de la Résistance 20, 7100 El Lovire (Èl Louviére)
Fiesse ås langues del Walonreye
[candjî l’ côde wiki]Samwinne ås lingaedjes walons :
- (fr) Prezintaedje
- (fr) Programe
Mostraedje do fime Zavî Istasse
[candjî l’ côde wiki]
Li fime di racsegne «Li langue åd dibout del linwe» da Zavî Istasse serè co mostré :
- li 24 di setimbe : Aisse del tuzance di Rotchfoirt (Centre Culturel de Rochefort) (rowe di Bhogne, 5) di 2 a 8 eures
- li 27 di setimbe Cinema "Le Parc" a Tchålerwè (Charleroi)
- li 28 di setimbe Aisse del tuzance di Måtche (Maison de la Culture de Marche-en-Famenne)
- li 24 di setimbe a 18e.30 å Muzêye do vicaedje des Walons a Lidje (Musée de la vie Wallonne à Liège)
- 03 d' octôbe : Aisse del tuzance di Nameur-Bomel (Centre Culturel Régional de Namur, anciens abattoirs de Bomel)
- 16 di nôvimbe : Aisse del tuzance di Cînè (Centre Culturel de Ciney).
- li 1î d' decimbe : Aisse del tuzance di Djiblou (Centre Culturel de Gembloux)
Al televuzion :
- li 23 d' setimbe a 22e.25 sol prumire tchinne (Une télé, RTBF)
- li 24 di setimbe a 21e.35 sol troejhinme tchinne (La Trois)
- li 29 di setimbe a 22e.40 sol troejhinme tchinne (La Trois)
L' avni do walon so RTL-TVI
[candjî l’ côde wiki]Bate di dvizes inte Michel Francård eyet Djan Cayron. Wårdaedje di l' emission
li fime Zavî Istasse a l' eternåcionå
[candjî l’ côde wiki]Li fime «Li langue åd dibout del linwe» da Zavî Istasse si spåde foû payis: i serè mostré li djudi 3 d' setimbe 2015 å Manedje di Djivet a 8 e. et dmey al nute.
Fiesse ås lingaedjes del Walonreye
[candjî l’ côde wiki]Do 26 di setimbe å 3 d' octôbe 2015
- (fr) Prezintaedje
- (fr) Bates di noûmots (disk' å 15 d' awousse)
- (fr) Programes do prumî et do dierin djoû
- (wa) Videyos vos priyant a sacwants ocupaedjes
Li walon dins l' economeye
[candjî l’ côde wiki]Scoles di walon dins on riscolaedje del promocion sociåle di Dinant. Racsegnes : 082 21 30 60 (IEPSCF DE DINANT- DOMAINE D'HERBUCHENNE - 5500 DINANT); 082/ 21 30 61; 082/ 21 30 62 (directeur : GILLES GRAINDORGE).
C' est pår ene prumire. Si l' walon amousse dins l' economeye, c' est ene nouzome ascoxheye. Totafwait shurè.
Fime Zavî Istasse
[candjî l’ côde wiki]
Li fime «Li langue åd dibout del linwe» da Zavî Istasse ripasrè al Måjhone del Culteure di Nameur li 17 di djun 2015 a 8 eures al nute et cinema "Le Park" a Lidje li 18 di djun 2015 a 8 eures al nute.
Les crapådes so "Matélé"
[candjî l’ côde wiki]Scoles di walon a Bive so "Matélé"
[candjî l’ côde wiki]
Valmy Féaux ricuva Lucyin Mahin et lyi dire les pondants et djondants di s' cårire politike et si amour do walon.
Hårdêye avou des recitaedjes e walon pa les efants d' Cins (Tniveye)
«Wallons, Nous ?» candje d' arlouke
[candjî l’ côde wiki]
Diré li 25 di fevrî ki-vént, ådvins di l' emission RTBF «Wallons, Nous», gn årè ene novele rawete lomêye «Tot bê, tout bia». Deus munutes avou Michel Francård et Charlotte Piette po splitchî sacwants costés do walon (mine eto do picård, gåmès eyet tchampnwès).
Loukîz vaici les pondants et les djondants
