Xhorisse

Xhorisse (so plaece Horis’, fr: Xhoris) est èn ancyin ptit ban del Walonreye, rebané avou Fèrîre.

• Limero del posse: 4190 (vî limero 4183)
• Limero diyalectolodjike: H 67
• Sitindêye: 1.251 ha
• Pont l' pus hôt: 371 m

Djeyografeye

Xhorisse si trouve a 30 km di Lidje et 30 km di Huy, so on tiene inte les vås di l' Aiwe-d'-Oûte et d' Ambleve. Li boket do viyaedje metou a bijhe est sol Calistinne (redjon), c' est la k' on trouve les tchamps; li boket a nonne c' est ddja l' kimince di l' Årdene, avou ses bwès. Li pont l' pus hôt c' est l' tchapele Sint-Rok, 346 metes hôt.

Åtoû d' Xhorisse on trouve les ptits bans shuvants:

• å Nôr: Fairon, Comblin-al-Tour, Comblin-å-Pont
• a l' Ess: Aiwêye, Harzé
• å Sud: Ernonhé, Ferire
• a l' Ouwess: Fîlot, Hamwer.

Vîs scrijhas do no d' Xhorisse

• Scuricitas (902),
• Scuritias, Scurritias (932),
• Scorices (1126, 1130),
• Horis (1310, on a ddja l' son H)
• Scoriches (1336, picårdijhaedje),
• Xhorice (pa côps Xhoris) do 14inme å 17inme sieke,
• Xhoris a pårti do 17inme sieke.