Coridjrece
Ene coridjrece (on dit eto: ene ricoridjrece, on coridjoe), c' est on programe infôrmatike ki coridje les tecses dins on metou lingaedje.
Ricoridjreces do walon
[candjî | candjî l’ côde wiki]Les prumirès coridjreces do rfondou walon ont stî diswalpêyes pa Pablo Sarachaga sol sistinme d' operance Linux diviè 2002. Docô après, Francis Baudoux les a radapté å sistinme d' operance Windows.
Simon Stasse a eto bouté so ene ricoridjrece avou l' ortografeye di l' accint lidjwès e sistinme Feller, come dins si motî. C' est po çoula ki totes les cognes d' on mot, spotcheyes et nén spotcheyes, sont markêyes. Eto les femrins.
Li coridjrece e rfondou a d' aprume eployî l' sistinme Ispell, poy GNU Aspell, et asteure les pus nouvès rcoridjreces sont rashîtes sol sistinme Hunspell.
Hårdêyes difoûtrinnes
[candjî | candjî l’ côde wiki]Ricoridjrece do rfondou walon
- Esplikêyes po l' astaler
- Pådje d' esplikêyes; po rtcherdjî les dierins candjmints, clitchîz so «pacaedje XPI»