Sint Lambiet

Pol discramiaedje des årtikes avou l' mot « Sint Lambiet », loukîz cial.

Sint Lambiet (sovint rfrancijhî sint Lambert), c' est on sint fiesti el Walonreye li 17 di setimbe.

I skepia diviè 640 å Traik. I fourit diviè 705 e-n ene plaece k' esteut lomêye Leodium, et ki dvénrè l' veye di Lidje.

Vicåreye

Sint Lambiet esteut eveke a Måstraik. Mins on minisse da Pepin d' Hesta, Ebroyin, vleut mete si fi e s' plaece. Il acwera tant Lambiet k' i dva peter evoye. I s' rassåva å moustî di Ståvleu.

Mins li rwè Pepin s' meta cwite do minisse Ebroyin, et rhoukî Lambiet å Traik.

Mins Pepin esteut andoûlé d' ene crapåde, k' i vleut maryî. Lambiet esteut disconte ci mariaedje la. Li mayon do rwè finixha pa l' fé assaziner, on côp k' il aveut vnout dire messe al tchapele Notru-Dame a Leodium, dabôrd.

Patronaedjes

El principåté d' Lidje, il esteut l' sint patron des poirteus ås saetchs et des rnetieu d' linne.