Émile Robin

diviè 1930

Émile Robin, di s' no d' pene, Nibor, a skepyî a Nameur li 15 di måss e 1877 ey î mori li 26 di fevrî 1939.

C' esteut-st on scrijheu d' arimés e walon.

Riprins dins l' antolodjeye des powetes namurwès, et dins les Cayés d' guere des Relîs namurwès.

Di s' mestî, il esteut croupî dins les cazinos (Nameur, Itåleye, Tripoli). C' esteut l' grand-pere da René Dardenne.

Vicåreye

plake so s' måjhon a Nameur

On limero a pårt des Cayés walons, k' a vudî e 2016, dene les pondants et les djondants di s' vicåreye.

Ouve pol walon

si powinme adlé l' Fontinne Sambe et Mouze

Cwand les tiesses des Relîs namurwès ont stî prijhnîs e l' Almagne e 1914, c' est lu ki va rprinde li moennance del soce.

C' est lu k' a scrît l' tchanson « Si vôy voltî », k' est todi dins l' repertwere namurwès.

Al difén di s' vicåreye, e 1937, il a yeu l' oneur di scrire li powinme k' a stî gravé dins l' pire adlé l' Fontinne Sambe et Mouze, å Grognon (li plaece wice ki Sambe s' egoline dins Mouze a Nameur).

Li powinme, lomé « Sambe et Moûse » (e-n ortografeye Feller) :

Choûtez nosse Sambe tot l' long di s' coûse:

C'est l' tchant do fier èt do tchèrbon.

Choûtez l' clére êwe di nosse belle Moûse

Causer d'amour et dès nûtons.

Binaujes èt fiéres di leû bèsogne,

Asteûre v'là qu'èles si rabrèss'nut

Divant nosse vî "Grognon" qui grogne,

Djaloû dèl djôye qu'èlies si don'nut.

Alére

Les Kriegscayès p. 84-86 (biyografeye) & 262-285 (tecses).

Hårdêye difoûtrinne

• Li Wiccionaire si rsieve di sacwantès fråzes da Émile Robin po-z enimådjî des mots k' i gn a.
• Vos trouvroz des racsegnes so les ouves da Émile Robin, u les ouves zeles-minmes, so Wikisourd e walon.