Jean Rathmès
Jean Rathmès (skepyî ås Bonceles e 1909, vinou a Serè e 1914 et moirt e 1986), c' esteut on scrijheu e walon, foiravant di des pîces di teyåte.
I frè tos les mestîs : houyeu, vindeu d' materiås po les bastimints, tchampete, policî, pu penleu å Parket.
Riprins dins l' grosse antolodjeye Piron.
Ouves
[candjî | candjî l’ côde wiki]Il a eplaidî ene ramexhnêye d' arimés, et scrire cwénze pîces di teyåte e walon (måy eplaideyes), et troes pîces radiofonikes. Sacwants tites.
- Les hoûlåds dzo les stoeles (1954)
- L' efant sol toet
- Les vwès del nute & L' Aili reye (1961-1962)
Tinmes
[candjî | candjî l’ côde wiki]Les tinmes da Rathmès sont des tinmes di s' tins et di s' coron, des spoûles vikêyes emey les ovrîs d' Serè.
Come policî, i nd a veyou eto des vetes et des maweures. Did la des tinmes a raprotchî des romans policîs come dins "Les vwès del nute".
Dins «L' Aili reye», i bastixh ene pîce istorike åtoû d' on vî scrijhaedje e walon, li complinte des payizans.
Shuvance
[candjî | candjî l’ côde wiki]Jacques Lefebvre et Guy Fontaine ont fwait ene tchanson po lyi rinde bon dvwer li djoû di si etermint, k' il lyi lujheut les set soleas, lomé adon: «Set solos po Rathmès».[1]
Hårdêye difoûtrinne
[candjî | candjî l’ côde wiki]
Li Wiccionaire si rsieve di sacwantès fråzes da Jean Rathmès po-z enimådjî des mots k' i gn a.
Vos trouvroz des racsegnes so les ouves da Jean Rathmès, u les ouves zeles-minmes, so Wikisourd e walon.- Deus powinmes da lu (sol waibe "Li walon d' emon nozôtes")
Sourdant
[candjî | candjî l’ côde wiki]- ↑ Xavier Bernier, conferince sol tchanson e walon, Chevri, 10 di måss 2017.