Louis Baijot
| Skepiaedje | 11 di decimbe 1924, Bayamont |
|---|---|
| Moirt | 13 di may 2013, Libråmont |
| Activités | scrijheu |
Louis Baijot (e walon Louwis Baidjot), c' esteut on scrijheu e walon k' eplaidéve purade del prôze nén racontrece.
Il aveut skepyî li 11 di nôvimbe 1924. Il a morou li 13 di may 2013.
I scrijheut tot notant l' accint d' après Bayamont et Graide.
Di s' mestî il esteut mônî, matchand d' farenes po les biesses, pu tchîf d' ene pitite eterprijhe a s' no.
-
å strimaedje di "Li batreye des cwate vints" (2004) -
avou Andrée Bacq e 2004 -
ki fwait siner "So l' anuti" a Lorint Hendschel (2006) -
ki raconte ene fåve a on cåbaret walon a Bive (2009)
Ouve e walon
[candjî | candjî l’ côde wiki]Il est eto mwaisse sicrijheu del gazete e walon Coutcouloudjoû.
I fourit rprins dins l' antolodjeye Scrijheus d' Årdene.
Come bouteu pol walon, il esteut onk des mwaisses ovrîs del soce des rcåzeus di l' Årdene nonnrece.
Il a rarindjî ene djivêye di mots raglenés pa gaston Lucy po ndè fé li "Motî d' Bive".
Il a eto rcopyî ene peclêye di bokets da Gaston Lucy e "Feller-Rasgoutadje", et da Pire-Djôzef Dosimont dins li scrijha des papîscrîts.
Il a ossu scrît del prôze nén racontrece pol Coutcouloudjoû et pol Rantoele.
Il a scrît sacwants pådjes sol Wikipedia walon.
Si pôzucion so li rfondaedje do walon
[candjî | candjî l’ côde wiki]Pol rifondaedje do walon, i veyeut evi sacwants ponts tecnikes, come les betchfessîs OE et OI. Mins i veyeut voltî li betchfessî å, k' il eployive minme e Feller, po rascovri les accints do Payis d' ersè et d' après Bastogne po ç' foninme la.
Mins i poleut foirt åjheymint lére on scrijhaedje e rfondou, et li rdire avou s' prôpe accint. Come ezès scoles di rfondou walon d' Bive k' il a shuvou di 2003 a 2012.
I préjheut les rfondeus, et awè les pinses ki li rfondou esteut on bon sistinme po les djonnes Walons poleur raprinde li lingaedje.
Hårdêye divintrinne
[candjî | candjî l’ côde wiki]Hårdêyes difoûtrinnes
[candjî | candjî l’ côde wiki]
Li Wiccionaire si rsieve di sacwantès fråzes da Louis Baijot po-z enimådjî des mots k' i gn a.- Si pådje so Wikisourd
- Pådje avou sacwants d' ses scrijhaedjes (so l' Aberteke)
- Sacwants tecses avou l' mwaisse accint (sol waibe "Li walon d' emon nozôtes")
