Robert Boxus

Èn årtike di Wikipedia.
diviè 1946

Robert Boxus a skepyî a Mouhå li 8 d' avri 1891. I baga a Viyé-l'-Boulet e 1905, a Nameur e 1908, pu a Brussele e 1939. I mora e 1961.

Come waloneu, il est cnoxhou, aprume, come diccionairî. Mins i scrijha eto des arimés, des romans, des pîces di teyåte et des pîces pol radio.

Robert Boxus esteut mimbe del SLLW.

Il esteut po-z esse riprins dins l' pordjet (nén adiercî) d' antolodjeye des scrijheus e walon do Payis d' Hu.

Vicåreye[candjî | candjî l’ côde wiki]

I voet dins les livreyes di Hu les gazetes e walon "Li Clabot" eyet "Li ptit Lidjwès" et lzî evoyî ses prumîs scrijhaedjes (avou l' accint d' Lidje) e 1904 (il aveut 13 ans).

Pu i scrît avou l' accint d' Nameur (1908-1914). C' est po ça k' i serè rprins dins l' Antolodjeye des powetes walons namurwès.

El guere di 14, i s' ritrouve prijhnî avou des Rûsses, et studyî les lingaedjes slaves. I ratoûne des scrijheus do rûsse e francès, et do francès e rûsse.

Après, i boute pol walon a Nameur et a Hu. C' est lu k' ahive li Cavo hutwès. Et scrire "Histoire de la littérature wallonne au pays de Huy".

Après l' guere di 40, i dvént prezidint di l' "Association des écrivains wallons en Brabant". C' est lu ki va askepyî e 1954 li gazete des scrijheus e walon ey e francès "Reflets de chez nous".

Come dicionairî[candjî | candjî l’ côde wiki]

Il a fwait deus gros motlîs so les plantes et so les biesses.

Si mwaisse ricweraedje so les yebes ås maladeyes si lome "La flore médicale wallonne". Il a stî eplaidî a Hu e 1939.

Li rcweraedje so les biesses, c' est : Vocabulaire wallon namurois des noms d'animaux (rahouca C23), eplaidî e 1938.

Come romantî[candjî | candjî l’ côde wiki]

Il a scrît sacwants ptits romans :

  • «Bietris» (Bêtris) la k' i note l’ accint d’ Hu) eplaidî e fouyton dins « Journal de Huy » e 1913.
  • «Les flamåjhes» (sicrît e 1914 tot notant l’ accint d’ Nameur, eplaidî e fouyton dins Vers l’Avenir e 1955).
  • «Li Li bôze da Dôre Barbayan» (sicrît e 1926 tot notant sifwaitmint l’ accint d’ Nameur, nén eplaidî) [1].
  • «Goliate» (tot notant l’ accint d’ Hu), Ed. Mosa, Hu, 1949.

Alére[candjî | candjî l’ côde wiki]

  • Emile Dantinne, Etude sur Robert Boxus, Editions Europax, Brussele, 1955
  • Adèle Durieux, "Robert Boxus, écrivain wallon", Institut Jules Destrée, 1967.

Hårdêyes divintrinnes[candjî | candjî l’ côde wiki]

Sourdants et pî-notes[candjî | candjî l’ côde wiki]

  1. Prezinté ås bates di scrijhaedjes del SLLW, dabôrd, k’ i divreut esse dins les årtchives wårdêyes al Bibioteke des Pårlers del Walonreye.