El Rou-dlé-Tchålerwè

El Rou-dlé-Tchålerwè (la-minme: Au Roû, fr: Roux) , c' est èn ancyin ptit ban del Walonreye rebané avou Tchålerwè, el province do Hinnot.

• Limeros del posse :
  • asteure : 6044
  • davance : 6160
• Limero diyalectolodjike : Ch 42 .
• Arondixhmint : Tchålerwè
• Sipotaedje des djins : les Rouchas (djeu d' mot inte "rou" et "rossea" ki s' dit la-minme : roucha)

Po l' etimolodjeye et les vîs scrijhas, riwaitîz dins l' esplicant motî.

Eplaeçmint di l' ancyin ptit ban dins l' Grand Tchålerwè

Coviete do "Diccionaire do Ptit Roucha" da Pierre Faulx

Istwere

El Rou a stî fok on hamtea d' Djumet disk' e 1818. Insi, il a stî dal Principåté d' Lidje, pu del Dutcheye do Braibant.

E 1818, il a rçû l' ancyin priyuré d' Sårt-les-Moennes (k' esteut so Gochliye disk' e 1800, pu passer so Djumet.

Les 26 et 27 di måss 1886, gn ava ene greve shuvowe di bardouxhas, et les grevisses sipiyît les verreyes "Bougard" et "Monseu". Les djindårs arivît et macsåder les grevisses. Gn ourit ene cwénzinne di touwés.

Economeye

• Tcherbonaedje do Martinet (123 ovrîs e 1838)
• Glaeçreyes : deus e 1896, k' eployént 1200 djins.
• E 1937, n aveut 640 ovrîs dins les houyires et 300 dins les verreyes.
• Ene des pus viyès cintrale electrike del Beldjike, askepieye e 1900.
• Boledjreye industriyele "La Concorde"

Tuzance walone

• Pierre Faulx î a skepyî li 26 d' octôbe 1922.