Émile Pècheur
Èn årtike di Wikipedia.
Émile Pècheur, pus sovint lomé e walon Mimile Petcheur, c' est on scrijheu e walon k' a skepyî li 12 di fevrî 1921.
I scrît tot notant l' accint walon do Bork.
Ses scrijhaedjes ont stî eplaidîs dins bråmint des gazetes e walon, inte di zeles : «Coutcouloudjoû», «Li Chwès», «Singuliers», «Li Rantoele», «Noveles». I fjheut mete eto d' ses scrijhaedjes dins totes sôres di gazetes e francès, l'«Avenir du Luxembourg» (Årlon), «La Ligue wallonne» (Brussele).
Il a cmincî a scrire e walon e 1991, tot lijhant li coirnêye walone di l' Avenir du Luxembourg.
On gros live di ses scrijhaedjes a vudî e 2004, emantchî pa Georges Pècheur, sol tite «Saint-Hubert, rimas did dinltins». On deujhinme tome a rexhou e 2006, sol tite : "Sint-Houbert, do bon et do pé po tos les djoûs".
Riprins dins l' antolodjeye "Sicrijheus d' Årdene".
Di s' mestî, il a stî mwaisse di scole, a Sint-Houbert.
[candjî] Sacwants scrijhaedjes da Mimile Petcheur
- Sovnances : li croes do ptit Colas; l' evacuwåcion di 1940.
- Arimeas : "Li bôme do cour", "les blanc-mousseyes", "Påye sol tere", "Èm popa".
- Acrostitche po Gilbert Hotton et Dr Sepule.
- Tûzaedjes : Tuzaedjes do vî mwaisse, li saetch di nos scolîs.
- Ratournaedje di vîs floricontes : Noyé des moennes; l' istwere di Tchestea Tiri; li cwire do Sint-Grål.
- Prôze nén racontrece : les robots; les grossès pires di Stonehege.
- Djeu d' mots : li col do mwaisse.
- Conte-petreyes.
[candjî] Hårdêyes difoûtrinnes
- Pådje moennrece des scrijhaedjes da Mimile Petcheur so l' Aberteke (e rfondou walon)
- Ene banslêye di ses "rimas did dinltins" (tot wårdant l' accint do Bork)
- Ene pådje avou ses dierin tecses (come sicrît do scrijheu)
