Singulîs (gazete)

Èn årtike di Wikipedia.
Potchî a: naiviaedje, cweri
Prumire coviete (1993-2000)
2inme coviete (dispu 2001)

Singulis, ki s' no e francès, c' est Singuliers, c' est ene rivowe di belès letes del Province do Lussimbork.

Ele fourit metowe en alaedje e 1993 pa Michel Francard, Raymond Mouzon et Christian Robinet, po-z eplaidî des tecses di belès letes e walon ey e gåmès, di scrijheus del Province do Lussimbork. Gn aveut eto en coirnêye di noveles, e francès, des boutaedjes pol walon avårla.

Les askepieus rmetént inla eshonne deus rvowes k' egzistént ddja: Le Luxembourg dialectal (sicrijhaedjes e walon, eplaidî å Tchestea) eyet "Ké Noveles ?" (noveles e francès do Muzêye del Parole å Payis d' Bastogne).

Elle a stî lontins adjinçnêye pa Michel Francard. Dispoy 2005, li mwaisse redacteur, c' est Pierre Otjacques.

Contnou del rivowe[candjî]

A tchaeke limero, gn a on ratacaedje, sovint scrît e walon, pa troes mwaisses sicrijheus ki s' ricandjèt. Pu vnèt les tecses literaires, avou on motlî ådzo.

Adonpwis, gn a des noveles so les soces del province, mins ele sont scrîtes e francès.

Gn a yeu lontins ene coirnêye di prezintaedje des waloneus del province, sicrîte e francès pa Christian Robinet (1994-2004). Cisse-ciale a stî replaeceye pa ene rîlêye di tecses e walon so les vîs mestîs.

E francès eto, gn a yeu ene coine "Situdias". Ladvins, on-z a djåzé do linwe-ehåyaedje do walon tot dnant l' pene a des avanciveus (Lorint Hendschel, Lucyin Mahin) et a des wårdiveus (Van Crombrugge, Albert Maquet,

Dispu 2000, Joël Thiry î tént ene coirnêye so les viyès tchansons e walon.

Bråmint des scrijhaedjes (et des scrijheus) di Singulîs ont stî rprins dins l' antolodjeye Scrijheus d' Årdene.

Sacwants scrijheus d' Singulîs[candjî]

==Hårdêye difoûtrinne==[candjî]

(fr) Des ôtès racsegnes so li rvuwe (sol waibe so Muzêye do Pårlaedje e l' Årdene)