Invintåre des pus vîs tecses e walon (live)
Èn årtike di Wikipedia.
L' invintåre des pus vîs tecses e walon, kel tite e francès, c' est : "Inventaire de la littérature wallonne des origines (vers 1600) à la fin du XVIIIe siècle", c' est on live sol walon sicrît pa Maurice Piron et k' a vudî del Livreye Paul Gothier, a Lidje e 1962.
Gn a la les 403 tites des tecses e walon ritrovés, tot etire u a bokets, dispu diviè 1600 disk' e 1800. Gn a eto dins l' live sacwants tecses e picård ey e gåmès.
Les tecses sont rindjîs e shijh seccions. Pu, dins tchaeke seccion, les tecses sont rindjîs cronolodjicmint.
- Prumire seccion : tecses sol politike (138 tecses, do l° 1 å limero 137bis)
- Deujhinme seccion : Complimints (90 tecses, do l° 138 å l° 227)
- Troejhinme seccion : Pititès racontroûles (54 tecses, do l° 228 å l° 281)
- Cwatrinme seccion : So les comeres et l' amor (77 tecses, do l° 282 å l° 358)
- Cénkinme seccion : Varyîstés (16 tecses, do l° 359 å l° 375)
- Shijhinme seccion : Noyés walons (16 tecses, do l° 376 å l° 403)
[candjî] Sacwants tites di l' invintåre da Piron
- 7 : Bate di dvize inte on catolike ey on protestant (diyaloke).
- 58, 59, 60 : 3 tchansons so l' Afwaire des djeus di Spå.
- 16 : Paskeye sol sidje et l' dissidjmint d' Wîne
- 284 : Bon Diu, ki c' est grand poenne d' inmer ces båsheles
- 119 : Les viyaedjes di Loncin et d' Awans : tchanson po balter les cmeres di ces deus viyaejdes la k' alént coûtchî avou les sôdårs francès, k' î ont stî cazernés do moes d' nôvimbe 1792 å moes d' måss 1793.
- 352 : Pastorele bilinwe namurwesse ki cmince pa les paroles e francès Bonjour Cattin, belle bèrgère; les prumîs vers e walon sont Eco ki dj' so då viyaedje (Eco qu'ig d'so dau village.)
- 354 : Monsieu del Bourlote (tchanson)
- 364 : Les Ipocondes (operå)
- 365 : Simon li scrinî (pîce di teyåte)
