Tchampion-åbusson

Èn årtike di Wikipedia.

On tchampion-åbusson u tchampion-boloe, c' est on tchampion k' a on sporofôre, dj' ô bén on pî et ene tiesse (tchapea).

On eploye eto li mot boloe po tos les tchampions å tchapea ^[1], mins on l' riténrè po l' grande famile des boloetacêyes.

On wåde pus voltî li mot åbusson po les Agaric.

Sincieuzmint, li mot "tchampion" rascovere eto des sôres k' on n' voet nén leu pî ni leu tchapea. Soeye-t i ki l' esporofôre est pår trop ptit po-z esse veyou a l' ouy, soeye-t i k' end a pont. C' est les tchampions microscopikes (e-n inglès "fungi", dabôrd ki les tchampions-boloes si dijhnut e-n inglès "mushrooms".

Come les tchampions microscopikes, les tchampions-boloes ont eto on miceliom.

Les djins k' ont bråmint d' l' agrès po ls tchampions-åbussons, eyet les aler code dins les bwès, on les lome les åbsoneus. Les micolodjisses s' ocupnut di studyî tos les tchampions, åbussons u tchampions microscopikes.

Alez s' vey e splitchant motî po des linwincieusès racsegnes so les mots "åbusson", "boloe" et "tchampion 1".

Ådvins 1 Discrijhaedje des tchampions-åbussons 2 Nos walons des tchampions-åbussons 3 Djivêye des tchampions-åbussons del Walonreye 3.1 A 3.2 B 3.3 C 3.4 D 3.5 F 3.6 G 3.7 K 3.8 L 3.9 M 3.10 N 3.11 O 3.12 P 3.13 R 3.14 S 3.15 T 3.16 V 4 Hårdêye difoûtrinne 5 Alére. 6 Sourdant et pî-notes

[candjî] Discrijhaedje des tchampions-åbussons

On va discrire on tchampion-åbusson.

• pal cogne et l' coleur di s' tchapea u tiesse.
• pal cogne et li hôteur do pî.
• est çki l' pî a èn anea u neni ?
• est i magnåve u nén.
• est ç' on tchampion å pwezon (on dit eto: en epweznant tchampion) ?
• eto pa s' codujhance biyolodjike (wice k' i crexhe, a ké såjhon, et tchik et tchak).

[candjî] Nos walons des tchampions-åbussons

Gn a nén co tant di dnêyes ki ça, dins les motîs walons, po ricnoxhe les tchampions-åbussons.

Dins l' franwal da Haust, a l' intrêye "champignon", on cåze djusse do ptit rôzé (bon tchampion), del moreye et del linwe-di-boû come magnåves tchampions. Come epweznants tchampions, Haust et ses aidants ont rilevé : li vesse-di-leu, li tchapea d' macrale, li flairant boloe et l' oraye di Djuda.

Dins les inketes da Châle Bruneau, todi à l' intrêye "champignon" ^[2], on-z a li vesse-di-leu, li tchantrele, li coulmele eyet li coumrete. Mins ces nos la provnèt purade do payis tchampnwès-cåzants.

Dins l' franwal di Nameur, Chantal Denis riprind li linwe-di-boû, li peme di ronxhe, li boloe et l' moreye. I sont rprins direk po motî da Léonard.^[3]

Dins s' live so les plantes do Payis d' Måmdey, Joseph Bastin cite, avou leus nos laténs : li boloe (Polyporus fomentarius et Merullus lacrymans), li vesse-di-leu, li blanke vesse-di-leu, li flairant boloe, li tchapea d' macrale, li linwe-di-boû et l' oraye di Djuda.^[4]

Dins s' live so les plantes, Robert Boxus a rilevé l' åbusson d' avete (u djaeye d' avete, aubusson d'avète, gaye d'avète; Boletus laricis), li tchapea d' djindåre (Boletus aereus), l' oraye-di-djaeyi (Boletus juglandus), li linwe-di-boû (foete-di-boû, linwe-di-tchinne, Boletus hepaticus), li scågne (Boletus frondosus), li ptit-pwin-d'-leu (Boletus rubeolarius), li "rossea" (rossia; Boletus scaber), li pwin-d'-leu (Boletus tuberosus), cou-d'-åbe (Polyporus spp.), li covresse u "Poye-di-bwès" (Polyporus frondosus).

[candjî] Djivêye des tchampions-åbussons del Walonreye

Li djivêye ki shût a stî atåvlêye pa Jean-Pol Grandmont e moes d' octôbe 2004. Les nos ont stî ehåyîs pa Pablo Sarachaga et Lucyin Mahin po fé on "pordjet di rfondaedje des nos des tchampions d' Walonreye". ^[5]

[candjî] A

• åbusson d' coûtche; on dit eto: tchampion d' Paris (Agaricus bisporus).
• åbusson des bwès (Agaricus sylvaticus).
• åbusson des tchamps, on dit eto: tchampion des tchamps, u tot biesmint åbusson (Agaricus campestris).
• adjeyante vesse di leu (Lycoperdon utriformis).
• agnon d' leu (Boletus luridus).
• amadou (Heterobasidion annosum).
• amanite ås spenes; on dit eto: amanite lurçon (Amanita echinocephala).
• amanite baron (Amanita gemmata).
• amanite cigowe (Amanita verna).
• amanite citron (Amanita citrina).
• amanite djaene d' oû (Amanita Caesarea).
• amanite mizerere; on dit eto: blanke cigowe (Amanita phalloides var.alba)
• amanite moudreuse; on dit eto: vete cigowe (Amanita phalloides).
• amanite mozete (Amanita vaginata).
• amanite pantere; on dit eto; mwaijhe golmote (Amanita pantherina).
• amanite touwe-moxhe (Amanita muscaria).
• amer boloe (Tylopilus felleus).
• amiståve russule (Russula amonea).
• årmilire coleur di låme on dit eto : tiesse di meduze (Armillaria mellea)
• årmilire d' Årdene (Armillaria ostoyae)
• asplani polipôre (Ganoderma applanatum on dit eto Ganoderma lipsiense).

[candjî] B

• båbe di bok (Sarcodum imbricatus).
• bladje boloe å laecea (Lactarius pallidus).
• blanc pî (Helvella albipes monachella).
• blanke clavaire (Clavaria pallida)).
• blanke lepiote (Leucoagaricus leucothites).
• blanke vesse di leu (
• bleuw åbusson des bwès (Laccaria amethystina).
• bleu pî (Lepista nuda).
• bolet al djaene tchå; on dit eto: boloe tripe d’ ôr (Xerocomus chrysenteron).
• bolet ås grins (on dit eto: beguene) (Suillius granulatus).
• bolet å rodje pî (Boletus erythropus).
• bolet baron (Boletus junquilleus).
• bolet bén moussî (Suillius elegans).
• bolet d' esté (Boletus aestivialis).
• bolet des vatchîs (Suillius bovinus).
• bolet d' poeve; on dit eto: picant bolet (Boletus piperatus).
• bolet d' sapinete (Boletus pinophilus).
• bolet tiesse di negue (Boletus aereus).
• boloe å bea pî (Boletus calopus).
• boloe crompîre Scleroderma citrinum).
• boloe å foirt laecea (Lactarius volemus).
• boloe å picant laecea (Lactarius pergamenus).
• boloe å poevré laecea (Lactarius piperatus).
• boloe a djaene pî (Agaricus xanthoderma).
• boloe al doûce hinêye (Lactarius glyciosmus).
• boloe ås foxhales (Lactarius scrobiculatus).
• boloe ås mokions (Lactarius blennius).
• boloe ås trantchêyes (Lactarius torminosus).
• boloe boton d' muscarene (Clitocybe dealbata).
• boloe des frizés (Stropharia aeruginosa).
• boloe des grandiveus (Tricholomoa auratum).
• boloe d' leu (Boletus lupinus).
• boloe do diale (Boletus satanas).
• boloe d' patouyârd (Inocybe patouillardi).
• boloe d' plonk (Lactarius plumbeus).
• boloe d' ramoneu (Lactarius lignyotus).
• boloe flairant l' bok (Cortinarius traganus).
• boloe odant l' canfe (Lactarius camphoratus).
• boloe odant l' a (Lactarius alliaceus).
• boloe odant l' porea (Marasmius scorodonius).
• boloe odant l' ramonasse (Mycena pura).
• boton d' guete (tchampion) (on dit eto: fås mosron) (Marasmius oreades).
• brun bolet (Xerocomus badius).
• burnete amanite (Amanita fulva).
• burnete ploutêye (Pluteus atricapillus).

[candjî] C

• cindrêye tchantrele (Cantharellus cinereus).
• clapante pezijhe (Sarcosphaera eximia).
• clavaire al blanke cresse (Clavaria cristata).
• colibeye do tchinne (Collybia dryophila).
• côpêye clavaire (Clavariadephus truncatus).
• coprin agaesse (Coprinus picaceus).
• coprin ås tchveas (Coprinus comatus).
• coprin noer d' intche (Coprinus atramentarius).
• coulmele al cresse (Lepiota cristata).
• cresse di cok (Cantharellus cibarius).

[candjî] D

• dé a keude (Verpa conica).
• djaene bolet; on dit eto: beguene al vwelete (Suillius luteus).
• djaene pilon (Clavariadephus pistillaris).
• djaene spatule (Spathularia flavida).
• dôrêye clavaire (Clavaria aurea).
• dôrêye pezijhe (Aleuria aurantia).
• dôrêye russule (Russula aurata).
• dôrêye sclerodere (Scleroderma aurantium).

[candjî] F

• fås åbusson (Lactarius vellereus).
• flairant boloe; on dit eto: mannete kekete (Phalus impudicus).
• flairante russule (Russula foetens).
• foete di tchinne; on dit eto: linwe di boû (Fistulina hepatica).
• foliote ås peletes (Pholiota squarosa)
• frizêye djote (Sparassis crispa).

[candjî] G

• galere pwezon (Galerina marginata).
• gloumiant clå (Gomphidius glutinosius).
• glumiante calocere (Calocera visquosa).
• glumiante colibeye (Collybia mucida; on dit eto: Oudemansiella mucida).
• grand blanc tchampion des bwès (Agaricus silvicola)
• grande coulmele (Macrolepiota procerata).
• gris bolet (Leccinum griseum).

[candjî] K

• kekete di tchén (Mutinus caninus).

[candjî] L

• lådje pezijhe (Discina perlata).
• lumçale ås gotletes (Limacella guttata).

[candjî] M

• macaron do bontins (Entoloma aprile).
• magnåve bolet (Boletus edulis).
• magnåve morile (Morchella esculenta).
• målagadlêye coulmele (Macrolepiota rhacodes).
• maxhurante russule (Russula nigricans).
• moirt des cerijhîs (Laetiporus sulphureus).
• mônî (Clitopilus prunulus).
• morile a betchete (Morchella conica).
• mwaijhe morile (Gyromitra esculenta).
• mwais åbusson (Entoloma lividum).

[candjî] N

• noere bovisse (Bovista nigrescens).
• noere oraye di tchet (Helvella sulcata on dit eto Helvella lacunosa).

[candjî] O

• oraye di Djuda (Auricularia auricula-Judae).
• oraye di live (Otidea onotica).
• oraye di robete (Guepinia helvelloides).
• oraye di tchet (Helvella crispa).

[candjî] P

• pacsile erôlêye (Paxillus involutus).
• pezijhe ås plokes (Pezize vesiculosa).
• pî al bibixhe (Flammulina velutipes).
• pî d' clawçon (Cortinarius alboviolaceus).
• pî d' bedot (Hydnum repandum).
• pitit gris (Lepista nebularis).
• pitite morile (Mitropora semilibera).
• pleurote plate mosse (Pleurotus ostreatus).
• polipôre ås peletes (Polyporus squamosus).
• polipôre berbidjot (Polyporus ovinus).
• polipôre d' ivier (Polyporus lepideus).
• polipôre des pinetes (Famitopis pinicola).
• polipôre di beyôle (Piptoporus betulinus).
• polipôre parasol; on dit eto: pouye di bwès (Polyporus umbellata).
• poyowe coulmele (Lepiota aspera).
• psaliote des bwes (Agaricus silvicola).

[candjî] R

• rodjåsse amanite (Amanita rubescens).
• rodje clå (Gomphidius rutilus).
• rodje pezijhe (Sarcoscypha coccinea).
• rodje vatche (Lactarius deliciosus).
• rossea boloe (Lactarius rufus).
• rossea bolet (Leccinum aurantiacum).
• rossea pî d' bedot (Hydnum rufescens).
• russule rinådrece; on dit eto: rodje russule (Russula emetica).
• russule di tcherbonî (Russula cyanoxantha).
• russule do bontins; on dit eto: magnåve russule (Russula vesca).
• russule grevesse; on dit eto: russule moite foye (Russula xerampelina).
• russule marcote; on dit eto: russule bascolete (Russula mustelina).
• russule olive (Russula olivacea).

[candjî] S

• seur boloe (Tylopillus felleus).
• silocibe des flates (Geophila coprophila)
• stårêye pezijhe (Peziza repanda).
• sipesse amanite (Amanita spissa).

[candjî] T

• tapiné boloe (Suillius variegatus).
• tchabårêye colibeye (Collybia maculata).
• tchampion des tchamps (Agaricus campestris).
• tchampion des forires (Rhodocybe gemina).
• tchampion d' gade (Rozite caperatas).
• tchantrele buzrece (Cantharelleus tubaeformis).
• tchapea d' djindåre (???)
• tiesse di moenne (Clitocybe geotropa).
• tremele djelêye (Tremella mesenterica).
• tricolome odant l' savon (Tricholoma saponaceum).
• trompete des moirts (Craterellus cornucopioides).
• truke d' esté (Tuber aestivum).

[candjî] V

• verdåsse russule (Russula virescens).
• vesse di leu (Lycoperdon perlatum).
• vesse di leu ås spenes (Lycoperdon echinatum).
• violé boloe (Cortinarius violaceus).
• vireuse amanite (Amanita virosa).
• volvaire å tchapea d' soye (Volvariella bombycina).
• vraiy mosron (Tricholoma georgii).

[candjî] Hårdêye difoûtrinne

• Mwaisse sourdant, edjivlé pa no latén.

[candjî] Alére.

• Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
• Marcel Bon: Champignons de France et d'Europe occidentale (Flammarion, 2004).

[candjî] Sourdant et pî-notes

1. ↑ Live da Bastin so les plantes.
2. ↑ Enquête linguistique sur les patois d'Ardenne, tome I, p. 143.
3. ↑ p. 61-62.
4. ↑ p. 229-230.
5. ↑ Prezinté sol wiki walon li 13 di decimbe 2004 (Mwaisse sourdant, edjivlé pa no latén).