Albert Maquet
Albert Maquet a skepyî e 1922 a Lidje. Il î a morou li 1î d' fevrî 2009.
Relî dins li ptite et l' grande antolodjeye da Piron.
Di s' mestî, il esteut prof d' itålyin a l' Univiersité d' Lidje.
Ouve e walon[candjî | candjî l’ côde wiki]
Mwaissès piceures[candjî | candjî l’ côde wiki]
Il a scrît bråmint des arimés, et-z eplaidî des coûtès ramexhnêyes. I scrijha, avou, del prôze-powezeye.
Il a ossu foirdjî sacwantès pîces di teyåte e walon, inte di zeles, des redjårbaedjes di des scrijheus itålyins did dinltins. Ey ossu des scrijheus k' eployèt des lingaedjes diléreces di l' Itåleye.
Il a eto studyî, e francès, sacwants scrijheus e walon, copurade des ptits fjheus d' arimeas, rovyîs pa l' istwere. Il a scrît sol teyåte e walon, po dmander on pus hôt livea do tecse, et di l' esinnaedje.
Ses scrijhaedjes e francès ont stî rsintous come foirt grandiveus pa bråmint des waloneus.
Il esteut SLLW-î; il î moussa e 1956. Il evoya des cåkêyes di papîs po leus rvowes.
Il a wangnî li Pris del Veye di Lidje e 1987.
Sacwants eplaidaedjes d' arimés[candjî | candjî l’ côde wiki]
- Poèmes de l'Antiquité grecque et romaine adaptés en wallon liégeois, on live eplaidî a MicRomania e 2001.
- Poésie en langue wallonne du pays de Liège, on relijha di tecses riprins cronolodjicmint di sacwants ôtes livrets, eplaidî a MicRomania e 2004.
- Cint haycous, ene ramexhnêye di haycous, eplaideye al pitite coleccion del SLLW e 2006.
- Sins rime ni rame (2008)
Sacwants eplaidaedjes di teyåte[candjî | candjî l’ côde wiki]
Come sicrijheu d' teyåte e walon, on lyi doet :
- "Sadi Hozete", ene pîce a ene djin djouwêye al televuzion pa Joseph Duysinx.
- "Califice, l' ome di nole pårt et d' ene sawice"
- "Li paltot" (pîce po l' radio, d' après l' istwere do minme no da Gogol).
- "Li harloucrale" (d' après La Mandragola, d' eviè 1512, da Niccolò Machiavelli
- "Ratacans, mes efants" (pîce po l' radio)
- "Li guere å cou" et "L' araedje e cour" (d' après des dvizes e patwès da Ruzante.
Pôzucion dins l' politike linwistike eneviè l' walon[candjî | candjî l’ côde wiki]
Il a metou des xhames el voye des rfondeus, tot vlant k' on n' poye nén eployî des noûmots. Mins lu-minme askepia li noûmot walon "harloucrale".
E 1994, i pretinda ki les scrijhaedjes e walon ni s' plént nén passer foû del Walonreye. On live come So l' anuti a stî scrît esprès po disdire ciste idêye la.
I n' djåzéve nén voltî walon e societé. Et måy å telefone, minme cwand on lyi cmandéve ses lives.