Anderluwe Djonccion (Ledjir metro d' Tchålerwè)

Cisse pådje ci n' est co k' on djermon, dj' ô bén k' el pådje est djusse sibåtcheye, eyet co trop tene ; et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén « candjî l' pådje » po radjouter des informåcions.

 :

Anderluwe Rowe del Ståcion | Anderluwe Djonccion | Anderluwe Voye di Twin

Anderluwe Djonccion, c' est ene ståcion des lenes M1 eyet M2 do ledjir metro d' Tchålerwè.

Busse

Anderluwe Djonccion si trouve al limotche inte deus trokes del rantoele do KT. Les lenes 30 eyet 136 sont al troke do Hinnot, contråvmint åzès lenes 91 eyet M1AB k' est al troke do TEC Charleroi (KT Tchålerwè), come avou les trams.

Trams

Padvant 2017

Tins des Vicinås, gn aveut sacwantès lenes ki passént rola. La k' i gn aveut, a l' epoke, troes direccions possibes : ene voye viè Anderluwe Caliguluk, ene voye viè Lôbe et Twin, ey el voye viè Fontinne-l'-Eveke et Tchålerwè. Les lenes ki dalént viè Lôbe eyet Twin ont stî dismantcheyes li 31 di decimbe 1983. Dispu ci date la, c' est l' ASVi ki s' ocupe d' èç pårtêye di lene la. Tolminme k' les tchinnaires eyet les rays ont stî rsaetchîs foû e 2005. Çki fwait k' Anderluwe Djonccion n' est pus raloyî a Lôbe eyet Twin, asteure. Li 31 d' octôbe 1986, ça a stî l' toû des lenes 30 eyet 31 d' esse dismantcheye. Li prumire raloyeut Anderluwe Djonccion a El Lovire, tot passant pa Marlanwé, contråvmint al lene 90 ki passeut pa Bince. Tot rwaitant l' 31, ci-ci esteut pus lon k' el 30, veyanmint ki daleut disk' a Tchålerwè.

El ståcion leye-minme, n' aveut k' on ray ey on peron disk' e 2017.

• 
  On des dierins trams 92 al ståcion, e 1982.
• 
  Ene ôte imådje avou ene BN LRV k' est sol lene 90.
• 
  El ståcion e 1984.

Dispoy 2020

Inte li 15 di may 2017 eyet l' 8 di djanvî 2020, gn a yeu des boutaedjes po rfé mwaisse les ståcions après Petria.

• 
  Costé levantrece del ståcion avou les placaedjes sol voye ki mostere l' hôw di busse.
• 
  Peron cintrå avou l' ray viè Tchålerwè.
• 
  Peron cintrå avou l' machene po-z acater les biyets eyet l' hobete padri.
• 
  Fén del ståcion viè Tchålerwè.
• 
  Les rays ki vont å depot d' Anderluwe.
• 
  Les rays ki vegnnut d' Anderluwe Caliguluk.
• 
  Minme edroet, mins dins l' ôte sinse.