Cawete -eure
Li cawete -eure, c' est ene cawete acawêye a on viebe, ki dene on sustantif mostrant li rzultat d' l' accion.
Etimolodjeye[candjî | candjî l’ côde wiki]
Ele vént tot droet del cawete latene -ura.
Sinsyince[candjî | candjî l’ côde wiki]
Å pus sovint, mostere li rzultat, bén veyåve, di l' accion. Ou purade li plaece di ç' rizultat la. C' est ene vicante cawete, adon.
Come moite cawete, sovint calkêye do francès, ele dene on dominne d' ovraedje (pondeure, costeure) ou di trokes di sacwès (nateure, verdeure).
Diyalectolodjeye[candjî | candjî l’ côde wiki]
Diyalectolodjicmint, c' est ene des cawetes avou l' pus di candjmint totavå l' Walonreye. Loukîz al mape ALW 1. 23 (costeure).
- a Lidje : -eûre, la k' elle est
- après Måmdey et L' Gléjhe : -ore
- a Vervî : -âre
- sol Basse Årdene : -ère
- après Nameur et Tchålerwè : -eure (/əʀ/) et -ure (/yʀ/)
Omofoneye[candjî | candjî l’ côde wiki]
E rfondou walon (prononçaedje zero-cnoxheu), et après Lidje, elle est omofone del cawete -eur (cwålité : doûceur, rodjeur, aireur…)
Hårdêye difoûtrinne[candjî | candjî l’ côde wiki]
Sacwants sustantifs avou l' cawete -eure (dedja studyîs sol Wiccionaire)