Cawete -isté

Èn årtike di Wikipedia.
Sauter à la navigation Sauter à la recherche

Wiktionary-logo.svg

Po des linwincieusès racsegnes sol sititchete "-isté", alez s' vey sol Wiccionaire

Li cawete -isté, c' est ene cawete, ene miete vicante, acawêye a èn addjectif et ki bastit on sustantif ki dene li cwålité di l' addjectif dit dins ene fråze di mouwance.

Etimolodjeye[candjî | candjî l’ côde wiki]

Ele soude del cawete -sté cwand l' bodje finixh pa ene cossoune, po shuve li rîle des troes cossounes.

Istwere[candjî | candjî l’ côde wiki]

Des sfwaits mots si rtrouvnut dedja e vî walon:

laidesteit (laidisté), diviè 1200.[1]

Egzimpes classikes[candjî | candjî l’ côde wiki]

Kéne abeyisté, ces ovrîs la, mes djins!
Il est d' ene nawisté, dji n' ti di k' ça.
C' est d' ene fåwisté, [2]

Dins les noûmots[candjî | candjî l’ côde wiki]

Li cawete a rsiervou po riwalnijhî des calcaedjes do francès avou l' cawete -ité, foû d' on cotoû d' mouwrece.

C' est ene croejhlåde avou prumiristé a s' droete.

Acawaedje[candjî | candjî l’ côde wiki]

Po foirdjî des noûmots avou l' cawete -isté, li bodje doet esse li femrin addjectif. Cwand l' femrin si fwait avou on halcrosse E, gn a nole rujhe:

deur => dure => duristé

Nerén s' i gn addja on halcrosse E a l' omrin:

nawe => nawe => nawisté

I pout gn aveur candjmint d' voyale, erîlêymint:

malén => malene => malinisté

Po les addjectifs u pårticipe erireces (deujhinme et troejhinme troke) avou on coron omrin -î, u -i, c' est l' bodje (sins l' cawete -î et -i) ki sieve a l' acawaedje:

haitî => haitisté
sûti => sûtisté[3]
varyî => varyisté
araedjî => araedjisté

Sifwaitmint po les addjectifs avou on coron -y a l' omrin:

målåjhey => målåjhisté[4]

Po les addjectifs vinant d' on pårticipe erirece del prumire troke, on pout shuve li rîle do bodje k' est l' addjectif femrin:

binamé => binamêye => binamêyisté
spontané => spontanêye => spontanêyisté

Dins les accints do walon[candjî | candjî l’ côde wiki]

Li cawete n' egzistêye ki dins l' Levant walon, dizo deus cognes:

  • li cogne -isté (Lidje)
  • li cogne -suté (Hôte Årdene).

Sourdant[candjî | candjî l’ côde wiki]

  1. Louis Remacle, Sintake del Gléjhe, tôme I, pp 70.
  2. fråze fwaite sol modele Rimåke, Sintake del Gléjhe, come cial ådzeu, p. 70-71.
  3. Bate di dvizes sol Wiccionaire
  4. Dedja dins E203 ([[Wikt:mâlâhîsté|]]), mins nén rprins dins les gros motîs do 20inme sieke; ritrové spontnêymint dins S17 ([[Wikt:malaujîsté|]]).