Claudine Mahy

Èn årtike di Wikipedia.
Potchî a: naiviaedje, cweri

Wiktionary-logo.svg

Li Wiccionaire si rsieve di sacwants fråzes da "Claudine Mahy" po-z enimådjî des mots k' i gn a.

(e 2002)

Claudine Mahy a skepyî li 29 di djun 1937. Elle a morou li 11 di decimbe 2017.

C' esteut ene tchanteuse e walon, ki fjheut totes ses tchansons leye-minme.

Dispu si stroete plake «Mémé Loubard», elle esteut spotêye insi.

Ele djåzéve voltî walon avou les waloneus (çou k' est foirt råle emey les tchanteus e walon).

Di s' mestî, elle a stî tchåfresse di camion (li prumire feme del Beldjike a fé çoula); pu boledjresse[1]; pu adon, fé dins les mousmints, purade so les martchîs.

Tinmes[candjî | candjî l' côde wiki]

Ses tinmes estént kécfeye classikes : c' esteut des tchansons po rire come "dj' e fwin" u des sovnances do vî tins come "li kénket d' houyeu". Ele a eto rindou bon dvwer a s' payis d' Tchålerwè et d' Djumet.

Mins ele sava eto paskiyî so des sudjets modienes : li sida; les djonnes "loubårds", l' evoyaedje des "Casques bleus" el Yougoslaveye, les Indyins d' Amerike.

Elle ratournéve leye-minme ses tchansons e francès, et tchantéve dins les deus lingaedjes

Muzike[candjî | candjî l' côde wiki]

Costé muzike, ele fourit ene des prumire a-z asprouver l' walon dins del musike blouze.

Stroetès plakes[candjî | candjî l' côde wiki]

Elle fijheut des stroetès plakes avou des tchansons e francès ey e walon.

Hårdêye difoûtrinne[candjî | candjî l' côde wiki]

Sourdant[candjî | candjî l' côde wiki]

  1. RTL info, li 12 di decimbe 2017