Dimegne

Èn årtike di Wikipedia.

Po des linwincieusès racsegnes sol mot "dimegne", alez s' vey sol Wiccionaire

Li dimegne, c' est l' no do setinme djoû del samwinne, li prumî po les Djwifs, l' Eglijhe crustinne et les muzulmans.

Etimolodjeye[candjî | candjî l’ côde wiki]

Li mot dimegne vént do latén d' eglijhe dominicus dies ki vout dire "li djoû do Signeur" (do Bon Diu). Les crustins l' lomnut insi la k' c' est l' djoû do ravicaedje do Crisse, sapinse li doke crustin.

Lomaedje ezès ôtès langues[candjî | candjî l’ côde wiki]

C' est ci mot la vnant do latén d' eglijhe k' on rtrouve dins cåzu tos les lingaedjes romans. Dins les lingaedjes tîxhons li djoû est purade lomé "djoû do solea", ou "djoû di Sunne/Sunna" (li diu ou l' deyesse do solea dins l' mitolodjeye tîxhone).

E djaponès on l' lome eto "djoû do solea" (日曜日, nichiyōbi), et pareymint e chinwès (星期日 u 週日)

Hårdêye divintrinne[candjî | candjî l’ côde wiki]