Mårdi

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "mårdi", alez s' vey sol Wiccionaire

Li mårdi (ou dimår) est l' no do deujhinme djoû del samwinne, li troejhinme po les Djwifs et ls Arabes.

Etimolodjeye[candjî | candjî l' côde wiki]

Li fôme dimår egzistêve co coranmint divant les anêyes 1900 et des dins des plaeces k' i gn a; mins c' est l' fôme avou aplacaedje tîxhon k' est ouy li pus corante. Li mot vént do latén martis dies ki vout dire "li djoû di Måss" (li diu romin oudonbén l' planete).

Ezès ôtes lingaedjes[candjî | candjî l' côde wiki]

Ezès lingaedjes tîxhons, li djoû est purade lomé "djoû d' Tyr" (k' est li diu dins l' mitolodjeye tîxhone ki corespond a Måss po les Romins).

E djaponès on l' lome "djoû do feu" (火曜日, kayōbi), mins ci feu la pout esse veyou soeye-t i come onk des cénk elemints prumioûles des Chinwès (li feu, l' aiwe, li bwès, li metå eyet l' tere) ou come l' acourtixha do no del planete Måss (火星, kasei), dj' ô bén, ki l' djoû est lomé come amon nozôtes.

E chinwès c' est tot simplumint li "deujhinme djoû del samwinne" (星期二 u 週二); ey e portuguès li "troejhinme" (terça feria). C' est li rcopiaedje do contaedje arabe ki fwait cmincî li samwinne li dimegne. Parey po les djwifs (Djezus-Cri a raviké li dimegne, prumî djoû del sawminne.

Li catalan "dimarts" eploye li minme tcherpinte ki l' vî walon "dimår".

Hårdêye divintrinne[candjî | candjî l' côde wiki]