Motî d' Bouyon
L'patois d'Bouyon
Li motî d' Bouyon, ki s' vraiy no, c' est "L'patois d'Bouyon", c' est on motî walon-francès adjinçné pa François Twiesselmann.
I fourit eplaidî on prumî côp e 1993 (1e edicion), pu rsaetchî e 1994, ås edicions DIRE, a Tregne.
L' accint noté, c' est l' ci d' Bouyon, ene sôre di walon d' Nonne, mins avou des piceures do tchampnwès et do gåmès. Ca Bouyon est metou djusse a l'aschate des troes lingaedjes.
Il est rprins sol limero [S25] dins l' djivêye des motîs do walon.
ISBN 0776-72-18
Piceures
[candjî | candjî l’ côde wiki]Li motî d' Bouyon riprind les mots do Motlî Pire Djilet d' après Bouyon. I ndè rcandje ene miete l' ortografeye (bråmint disfafloter), mins tolminme sins prinde li sistinme Feller. Metans "pauquette" ("paûquètte" dins li motlî Pire Djilet).
Po le son /ə/, il eploye li scrijha ë.
Les scrijhas ni shuvnut nén todi li sistinme Feller; metans po «soile» (e Feller, ci sereut scrît swale). Ces scrijhas la sont assaetchîs pa les cis des motîs tchampnwès di Sdan.
Houte di çoula, li diccionairî scrît les mots shuvants avou H (adon k' end ont nouk e walon): abiyî (habîr); ouxh (hëche), ouxhî (hëchî); ouxhî (hûssier); yebiasse (hérbiasse); eure (heûre); ôrlodje (hôrlodje); ôrlodjî (hôrlodjî).