Scrijha ë

Pol discramiaedje des årtikes avou l' mot « ë », loukîz cial.

Li scrijha ë (E tréma), c' est on scrijha eployî dins des ortografeyes Feller ricandjeyes.

Il egzistêye eto e francès, mins po èn uzaedje pår diferin.

Feller-Soverdeas

I note li son œ (E bén «deur») dins li sistinme Feller-Soverdeas.

Ci son la vént dins toplin des mots dins les accints do Roman Payis, veyanmint k' i rprezinte li spotchåve voyale d' avår la. I replaece ossu tos les i et tos les u des pårlers namurwès vijhéns.

On l' pout vey dins des tecses da Louis-Joseph_Courtois eplaidîs e 1972 dins Les Cayés walons.

On scrît insi dins l' gazete «Li Sauvèrdia».

Il a stî «oficiålijhî» dins l' Motî Alphonse Massaux, eplaidî pa Jean Lechanteur e 2013.

Ôtes Feller

Il a stî sayî di tenawete dins l' gazete Singuliers po noter li minme son, k' est ossu l' ci del sipotchåve voyale dins l' payis d' Bietris, et les ôtes u di l' Årdene nonnrece vijhene.

Motî Gilliard

Emile Gilliard eploye li minme sicrijha dins s' motî (2007) po on son pår diferin, li son ê rinflé. Nol ôte ki lu ni scrît insi.

e francès

Li scrijha a èn uzaedje diferin, espaitchant di loyî deus voyales e-n on minme son. Adon, li prononçaedje dipind do mot:

Noël: prononcî «è» (/ɛ/).

aiguë: nén prononcî, mins ralonguit li «u» k' est padvant ki s' prononce adon «û» (/yː/).

Hårdêye divintrinne

• E (tot les scrijhas et les sons notés avou l' lete E)

Hårdêyes difoûtrinnes

Tecses avou li scrijha ë so Wikisourd

• so Wikisourd: Oteur:Louis-Joseph_Courtois (arimés da Louis-Joseph_Courtois)
• so Wikisourd: Dëscomèladje_d’on_nwêr_poyon,_fou_sqwaire (roman da Jacques Desmet)
• so Wikisourd: Èvanjile_d’après_sint_Djan (ratournaedje di l' Evandjîle sint Djan pa Joseph Tilkin et Jacques Desmet
• so Wikisourd: Categoreye:Ouves sicrîtes e Feller-Soverdeas (tos ces tecses la sievnut li scrijha ë)