Gråfayi
Grå-Fayi (la-minme, Grau-Fayi, /groːfaji/[1], mins sovint rfrancijhî a Gros-Fayi 
aschoûtez lu, c' est èn ancyin ptit ban del Walonreye, rebané avou Bive (mins k' aveut ddja stî rebané avou Wåjhî li 26 di djulete 1964, divant les grands rebanaedjes di 1977).
Mwaissès dnêyes
[candjî | candjî l’ côde wiki]- Limero del posse:
- asteure : 5555
- vî limero : 6863
- Limero diyalectolodjike: D 138
- Eplaeçmint sol Daegn: 49°52'N - 4°59'E
Etimolodjeye
[candjî | candjî l’ côde wiki]Li no d' Grå-Fayi èn vout nén dire "gros", come li scrijhaedje francès l' metou a nonsyince, mins "grå", ki vénreut di "graevleus", paski les hesses ont ene graevleuse schoice.
Vîs scrijhas: Graveloitfait (1226); Grauelor Fahi (1234); Graveloi-Fahi; Graufays, Groffays; Gros-Fays.[2]
Rilidjon
[candjî | candjî l’ côde wiki]Grå-Fayi si rataetchive dinltins a l' eglijhe di Wåjhî. I n' a divnou pårotche k' e 1586, avou Coirnîmont et Tchîplane (tchapele a Sint Dôna, li sint ki schape del tonoere).
Li patron d' l' eglijhe, c' est sint Pire, dicåçté après l' 29 di djun.
Istwere
[candjî | candjî l’ côde wiki]Gråfayi, c' esteut on sårt distrîxhî al limotche des conteyes di Bouyon et d' Orcîmont.
Grå-Fayi apårtina ås signeurs Yvette du Bohan (1225) pu Jacques d'Orchimont (1234).
Ciste anêye la, avou l' acoird do somrin Hugues de Rethel, li dominne passe a l' eveke di Lidje, k' esteut eto duk di Bouyon.[3]
I divna ene hôte foistreye del Dutcheye di Bouyon ki si stindeut disca Sdan.
On moumint moenné pa l' famile Gilles, signeurs d' Idje, pu pa Tchåle di Berlaymont, signeur di Biarin (1575).
Adonpwis: Jean de la Mark, signeur di Botôssåt; de Louvrex et de Lamock (1780) k' a fwait båti li molén d' Mitådje, so Wåjhî.[4]
Nos d' plaece di Grå-Fayi
[candjî | candjî l’ côde wiki]Li toponimeye di Gråfayi a stî rapoirtêye pa Yvon Barbazon.
Hamtea
[candjî | candjî l’ côde wiki]Ôtès plaeces
[candjî | candjî l’ côde wiki]
Loukîz a : Gråfayi (toponimeye)
