Hosseuse
Ene hosseuse, c' est ene tchanson po-z edoirmi les efants.
C' est sovint des viyès viyès tchansons, mins on pout aveur sacwants scrijhaedjes d' asteure.
Li tipetape doet esse doûs, et l' muzike si repeter.
On l' pout tchanter et rtchanter ostant k' on vout, disk' a tant k' l' efant s' edoime.
Egzimpes e walon
[candjî | candjî l’ côde wiki]Prumî egzimpe
[candjî | candjî l’ côde wiki]Nanninete, påpåd, nikete;
Nanninete, påpåd, l' efant.
Dji vs edoime e no d' sint Djhan.
Totes les pires d' avå les tchamps,
Ki n' est ç' mitches e tot blanc pan
Po nouri l' mame et l' efant ![1]
Deujhinme egzimpe
[candjî | candjî l’ côde wiki]I.
Abeye l' efant, abeye l' efant
Vocial l' ome ås poûssires
Nannez, ninez, nannez ninez
Come vos l' avoz fwait ir.
Resploe :
Nanez, nanninete, nannez mi ptit poyon (2 côps)
II.
Abeye l' efant, abeye l' efant
Doirmoz et pu vs åroz
Abeye l' efant, abeye l' efant
Ene grosse shoflêye nenè.[2]
Troejhinme egzimpe
[candjî | candjî l’ côde wiki]Egzimpes dins des ôtes lingaedjes
[candjî | candjî l’ côde wiki]francès
[candjî | candjî l’ côde wiki]Fais dodo, Pierrot mon p'tit frère
Fais dodo, t'auras du lolo.
Maman est là-haut
Qui fait des gâteaux
Pour le p'tit Pierrot.
ratournåve insi e walon:
Nannez don, Piron, no ptit fré
Nannez don, vs åroz do boûboû
Ca man est la-hôt
Ki fwait des restons
Po li ptit Piron.
picård
[candjî | candjî l’ côde wiki]E picård, li pus cnoxhowe des hosseuses, c' est «Li ptit kinkin».
arabe marokin
[candjî | candjî l’ côde wiki]Vo cial ene hosseuse e l' arabe marokin.
- ninni, ya momo
- teyteyb 3echana
- la ma teyb 3echana
- iteyb 3echa jiranna (Nannez, vos, påpåd; / Gn a nosse soper ki cût; / Si nosse soper n' cût nén, / Li soper d' nos vijhéns cût)
On pout vey ki, mågré li grande diferince di lingaedje et d' tuzance, gn a deus rshonnances avou l' walon :
- li mot "ninni" po "nannez", prouve ki c' est on mot-brut.
- li rmimbrance a di l' amagnî k' i gn a waire (les mitches di blanc pan k' on n' a nén e walon, li soper k' on n' årè nén e l' arabe marokin).
A schoûter
[candjî | candjî l’ côde wiki]- "Abeye l' efant", cassete "Comptines et enfantines", CRIWE.
- "Cwand vosse moman vs bercêye" (J. Calozet-E. Montellier) sol CD "Nameur, Sambe et Mouze", Li Chwès.
