Indicatif futurrece

L’ indicatif futurrece ou futeur di l' indicatif, c' est on tins d' codjowaedje ki mostere ene accion ki s' pasrè dins l' avni.

Etcherpintaedje

On prind l' bodje do viebe, on radjoute ene ristitchete -r- (ki c' est li halcrosse R di l' infinitif del prumire troke (tchanter). Pu adon, li cawete di codjowaedje di tchaeke djin.

Årvier do prezint et d' l' imparfwait, les cawetes di codjowaedjes sont les minmes po les cénk trokes di viebe. Po les atôtchîs, i s' adjixh del cawete do viebe «awè» (cawete di codjowaedje -oz). Ci piceure la si rescontere dins tos les ôtes lingaedjes romans.

Codjowaedje des cénk trokes di viebes å futeur

Les cénk trokes di viebes si codjowèt cåzu del minme façon a l’ indicatif futurrece

Codjowas

Prono d' djin	Prumire troke (bouter)	Deujhinme troke (magnî)	Troejhinme troke (tcheryî)	Cwatrinme troke (fini)	Cénkinme troke (mete)
dji	boutrè	magnrè	tchereyrè	finirè / finixhrè	metrè
vos (singulî)	boutroz	magnroz	tchereyroz	finiroz / finixhroz	metroz
ti / to	boutrès	magnrès	tchereyrès	finirès / finixhrès	metrès
i / ele (singulî)	boutrè	magnrè	tchereyrè	finirè / finixhrè	metrè
nos / dji	boutrans	magnrans	tchereyrans	finirans / finixhrans	metrans
vos (pluriyal)	boutroz	magnroz	tchereyroz	finiroz / finixhroz	metroz
i / ele (pluriyal)	boutront	magnront	tchereyront	finiront / finixhront	metront

Fômes coinreces

• dju boutrê (Basse Årdene) / djè boutré (Coûtchant walon)
• ti + i / ele (singulî) : come li prumire djin, coinreçmint
• nos : nos boutrons (Coûtchant walon)
• vos : vos broutrez (Walon do Levant)
• i / ele (pluriyal) : i boutrant (payis d' Bastogne)

Hårdêye difoûtrinne

Luçons sol futeur (et l' condicioneu) (so l' Aberteke)

• Prumire luçon (trokes di viebes 1 a 3)
• Deujhinme luçon (trokes di viebes 4 & 5)