Kids United

Èn årtike di Wikipedia.
Sauter à la navigation Sauter à la recherche

Wiktionary-logo.svg

Po des linwincieusès racsegnes sol mot "kid", alez s' vey sol Wiccionaire

Les Copains d'abord à Quimper - Kids United.jpg

Les Kids United (riwalnijhåve come les Roufions Eshonne[1]), c' est ene binde di tchanteus e francès (çou k' est drole, veyanmint leu no e-n inglès) ki sont tertos des efants.

Istwere[candjî | candjî l' côde wiki]

Li binde a stî metowe so pî e 2015. E 2018, ele si rloma «Roufions eshonne Nouve Djermêye» (Kids United Nouvelle Génération), co on drole di maxhot d' inglès et d' francès.

Sacwants tchansons[candjî | candjî l' côde wiki]

  • La tendresse (el tinrûlisté).
  • On écrit sur murs (on scrît so les meurs)
  • L'oiseau et l'enfant (l' oujhea et l' efant, li moxhon et l'efant)
  • Sur ma route (so nosse voye)

Egzimpe di ratournaedje e walon d' ene di leus tchansons[candjî | candjî l' côde wiki]

So nosse voye
I
So nosse voye, taiss
Gn a yeu do mouvmint, saiss
Ds aviretes et des paskeyes
Ça, c’ est nosse veye!
So nosse voye, taiss
Gn a yeu des eguegnes, saiss
Po divni berdouxhî
Ça, c’ est nosse viye! (2 côps les 8 vers)
Resploe
So nosse voye (4 côps)
II
So nosse voye, gn a eu des moumints d’ dotance
Dji n’ saveu nén wice aler; dj’ a dit: m’ fåt del tchance.
So nosse voye, nos dvéns tot atchter al croye
N' avéns nén ene crombe mastoke,
Sins nos djins, dj' esténs a stok.
(cåzé)
Mi, so m' voye, dj' a yeu des monceas d' arokes
Come di djusse, dji m' a sovint sterbutchî
Saiss bén, colåd, cwand t' es dins les trefonds
Gn a waire di djins ki t' lodjront dins leu sålon.
Ti n' pous conter ki so t' pa et so t' mame
Paski tes près soçons, zels, evont onk après l’ ôte
C’ est po ça k’ pa des côps, dji m’ baxhe al tere
Paski l’ Bon Diu est grand, et k’ ti tot seu, ti creves.
Ritchantaedje do prumî coplet et do resploe.
III.
So nosse voye
On a yeu des laids cwårts d’ eure
K’ on nd a yeu pezant sol heure
Mins dji so come edoirmou
Sol tchimin
Dj’ a croejhlé des viyès djins
Ki m’ cåzént do leddimwin
Et k’ li veye aléve si rade.
(cåzé)
Ni m’ djåze pus djamåy del miråcoleye,
Paski dji tel di, èm cour est bén trop flåwe.
Dji so come on leu fén pierdou dins les tchamps;
Tos mes cis di m’ meute on stî yeus des tchesseus.
Dji clô mes ouys; dji rxhoube mes låmes;
Dji n’ vou pus sawè pocwè k’ i m’ asprouvèt;
S’ gn a pus rén a schaper, dji sai bén k’ dj’ a co åk
Et m’ voye est co mierlongue, nén l’ tins di m’ rischaper.
å resploe, et co rtchanter ttafwait èn ôte côp.

Pî-note[candjî | candjî l' côde wiki]

Commons
I gn a so les cmons Wikipedia des imådjes ou fitchîs son a vey avou les Roufions Eshonne .
  1. li walon «roufion» est pus près di l' inglès «kid»; «efant», c' est l' inglès «child»