Lete ô

Li lete ô (O tchapea u O toetea) riprezinte aprume li betchfessî ô.

Ele provént eto d' on spotchaedje des cossounes å coron, aprume dins des mots å mierpî (mots d' ene sillabe) :

• fôrt (po les sôdårds)
• ôr (latén auRuS)
• ôre 2 (kimandmint, Fr. oRDRe)
  • dizôrner (Fr. désoRDonner)
• ôre 3 (instrumint d' muzike des eglijhes, Fr. oRGUe)
• pôrt (po les bateas)
  • espôrt (boune bire)
• prôze
• rôze

Po ces mots la, l' accint "oû" (Nivele, Vå-so-Seure, evnd.) s' ôt a tot côp bon : roûze, ariver a bon poûrt, ene bague d' oûr.

Li lete ô egzistêye ossu dins sacwants shuvions di des mots calkés do francès.

• -ôze : cawete -ôze des maladeyes (bruçlôze, micoplasmôze, leucôze)

On-z a disfafloté :

• ordinateur, ortografeye (feller : ôrdinateûr, ôⁿrdinateûr, ôrtografîye, ôⁿrtografîye), betchete orto-.
• portrait (viebe traire, betchete por-; Feller pôrtraît, pôⁿrtrêt, poûrtrét)
• buro, cado, tuyo (Feller burô, cadô, tuyô)

Ôtes mots ki si scrijhnut avou ô e sacwants accints do walon, mins nén e rfondou

Pacô, c' est li rfondaedje al pus lådje oyowe k' a relî li scrijha avou O estô do scrijha avou Ô

• for (lidjwès fôr)

Pacô, c' est ene sorwalonde (Coûtchant walon, Sint-Houbert) k' a stî tchoezeye, tot stindant li rîle do disfaflotaedje divant Y.

• shuvion OY : voye, evoye, roye (pus lådje oyowe : vôye, èvôye, rôye, coinreces : voûye, roûye)

Ôtes mots avou l' lete ô

• cayô