Waerleu

Èn årtike di Wikipedia.
(Redjiblé di Leu-waerou)
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "waerleu", alez s' vey sol Wiccionaire

On waerleu, u on leu-waerou, c' esteut èn ome ki s' candjive a leu, et fé do må ås djins.

I ls atakéve et lzî fé sogne, mins nén les touwer. Paski, si gn aveut do sonk ki spitéve so s' pea, i ridivneut èn ome.

Sourdant mitolodjike[candjî | modifier le wikicode]

Dins l' mitolodjeye greke, Licayon, li rwè d' l' Arcadeye priya li rwè des dius, Dzeusse a ene cråsse eurêye, et i lyi dna a magnî ene tailêye di tchå d' efant. Mwais, li mwaisse des dius candja Licayon e leu. Et condåner tos les omes a poleur esse kitchandjî insi.

El Walonreye, c' esteut l' Diåle k' aveut ç' povwer la. Adon, il esteut todi al tchesse des omes ene miete flåwets. [1]

Istwere del croeyance[candjî | modifier le wikicode]

Dinltins, bråmint des djins croeyént ås waerleus.

Traiter ene sakî d' waerleu, c' esteut po-z esse ametou å tribunå. Gn a yeu des sfwaits procès å 17inme sieke.

Sipårdaedje des contes di waerleu el Walonreye[candjî | modifier le wikicode]

Claire Pahaut a studyî les viyaedjes del Walonreye la k' gn aveut des contes di leus-waerous.

Dins les belès letes e walon[candjî | modifier le wikicode]

L' ivier est rmetou a on waerleu dins ci powinme cial da Jean Guillaume :

Dji so l' pemî stocaesse ki l' tonoere a coixhî
Et, so mes coxhes setcheyes, on voet flani les foyes
Ki l' grand waerleu d' ivier, tins k' serè-st e fafouye
Va vni guignî, råyî, cassî, dispårpiyî. [2]

Sourdants[candjî | modifier le wikicode]

  1. Philippe Bauduin; Li leu-waerou di Cmanster, Li Rantoele 77, bontins 2016
  2. Disk' å solea (arimés) p. 93.