Li nute divant l' Noyé (live d' imådjes)

Èn årtike di Wikipedia.
Coviete d' ene modêye walone
Pol discramiaedje des årtikes avou l' mot « Noyé », loukîz cial.
Pol discramiaedje des årtikes avou l' mot « Sint-Nicolai », loukîz cial.

Li nute divant l' Noyé (e-n inglès: The night before Christmas), c' est on live d' imådjes e-n inglès, parexhou aprume come powinme li 13 di decimbe 1923 dins ene gazete lomêye Sentinel del veye di Troy dins l' estat d' Noû York (Estats Unis).

Li scrijheu ni s' a nén fwait cnoxhe. Li tite esteut adon «An account of a visit of Sint Nicholas»

Cotoû[candjî | candjî l’ côde wiki]

Li powinme riprind li paskeye da Sint Nicolai, mins come i n' sait pus a kéne date ki c' est, il plaece li djoû di dvant Noyé.

Shuvance[candjî | candjî l’ côde wiki]

Après ci powinme la, les alaedjes rapoirt avou l' Sint-Nicolai, divnou l' Pere Noyé, s' ont spårdou avå tote l' Amerike bijhrece, adonpwis dins l' monde etir. Dins les payis ki fiestixhèt ddja l' Sint-Nicolai, c' est ene deujhinme dujhance ki s' a radjouté al prumire, copurade dispu l' fén do 20inme sieke (a pårti di 1945).

Ratournaedjes[candjî | candjî l’ côde wiki]

Li powinme a stî ratourné dins trinte-shijh meye lingaedjes.

E walon, gn a deus tradujhaedjes, onk da Jean-Luc Fauconnier et onk da Bernard Louis (li nêt d'vant Noyé, 2012, ISBN 978-3-943052-44-2).

Boket foû do live[candjî | candjî l’ côde wiki]

Vosse mame avou s’ noret, et mi avou m’ bounete,
Nos vnéns d’ aler fé chlop, doirmant come des soketes,
Cwand ns fourîs dispiertés pa on ramdam di diåle.
Dji zoupla djus di m’ lét po vey si  on fjheut bal.
Dji cora-st al finiesse et s’ råyî les gordenes,
Drovi radmint les vites et l’ batante ki halkene.
Li beaté erlujheut sol nive tote tchôde toumêye ;
On s’ åreut ttaleure creu e plin djoû a meynêt;
C’ est adon ki dj’ veya, di mes ouys ki rlouként,
Ene tote pitite eschlide et ût gades k’ el saetchént ;
Et l’ vî ome di moenneu ki tneut fer el coirdea.
Dj’ a seu a ç’ moumint la k’ c’ esteut l’ sint Nicolai…[1]

Sourdant[candjî | candjî l’ côde wiki]

  1. Li Rantoele l° 68, ivier 2013-1014 (modêye walone nén eplaideye divant)
Commons
Commons
I gn a so les cmons Wikipedia des imådjes ou fitchîs son a vey avou ç' live la .