Pere Noyé

Pol discramiaedje des årtikes avou l' mot « Noyé », loukîz cial.

Pol discramiaedje des årtikes avou l' mot « Sint-Nicolai », loukîz cial.

Li Pere Noyé (des côps, djusse "Noyé"), c' est on forveyou persounaedje ki vént å Noyé, mins eto al novelan po-z apoirter des bistokes ås efants. C' est ene kitoirdowe imådje da sint Nicolai et di s' fiesse.

Istwere do Pere Noyé

Live k' esplike did dou vént l' Pere Noyé

Cwand les Amerikins, bråmint des ebagants des Bas Payis et di çou ki va divni l' Beldjike, volît rfiesti sint Nicolai, il avént rovyî les pondants et les djondants do persounaedje.

• I n' si sovnént pus di Hanscroufe.
• Il avént rovyî l' ågne, et les raecenes ki les efants metént por lu magnî.
• I n' savént pus ki l' grand sint passéve passéve pa li tchminêye.
• I n' si rmimbrént nén ki c' esteut èn eveke, avou ene grande cote, li tchapea d' eveke et l' crosse.
• Il s' ont brouyî dins l' date di s' passaedje, tot l' metant li nute di dvant l' Noyé (come on rlomé powinme sicrît e 1923).

Adon, el edvintît on persounaedje, co lomé sint Nicolai å cmince ("Sinterklaas" e neyerlandès, divnou "Santa Claus"), mins ki va tot doûçmint esse lomé "Father Christmas", pu ci mot la ratourné dins tos les lingaedje del Daegne, e walon «Pere Noyé».

• Il aveut des renes (deus disk' a ût, sorlon les môdes), et vneut avou ene eschlide.
• Il aveut des botes et on rodje cazavek.
• I meteut ene rodje bounete.
• Come c' esteut on vayant k' apoirteut des boubounes, il aveut purade li cogne d' on ptit bodou.
• I passéve li nute do rewoeyon d' Noyé.