Li tchant di m' tere (epopêye)

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li Wiccionaire si rsieve di sacwants fråzes di ç' live cial po-z enimådjî des mots k' i gn a.

Mignolet tchant tere.jpg

Li tchant di m' tere (Li Tchant di m'tére), c' est ene epopêye sicrîte pa Djôzef Mignolet.

Ele conte l' istwere di Lidje inte li moirt de Flipe III d' Bourgogne (15 di djun 1467) disk' å branscataedje del veye pa s' fi Tchåle di Bourgogne e 1468 (après l' atake des shî cints Frantchimontwès).

Li mwaisse persounaedje, c' est Tchantchès, ki rprezinte on Lidjwès do peupe, on cou-d'-rivaedje (les cis ki viként sol boird do mouze).

Les arimés sont sovint des zandrins, mins avou pacô, ine di zels, des volêyes di pus courts vers.

Li live a moussî foû e 1935, saetchî a 302 egzimplaires.

Cotoûs istorikes[candjî | candjî l' côde wiki]

Divant les paskeyes[candjî | candjî l' côde wiki]

Prumî boket[candjî | candjî l' côde wiki]

Lomé "Côps d' vint", i cmince al moirt di Flipe di Borgogne a Brudje. Li pårti do borguimwaisse Håze di Her va bouter l' feu ås ritchès dmorances des sotnant do prince-eveke. Ci pårti la fijheut l' djeu da Louwis XI, e margaye avou s' cuzén borguignon.

Deujhinme boket[candjî | candjî l' côde wiki]

Côp d' tonire I. Coronmint di Tchåle di Borgogne a Brudje. C' est ç' djoû la k' il aprind ki les Lidjwès, stombyîs pa Louwis XI di France, avént stî branscater Hu, po swè-dijhant ramoenner li Prince eveke Louwis d' Bourbon a Lidje.

II. Tchantchès fwait d' l' espion a Lovén, ey aprinde le plans do Franc Tigneu d' on crinkinî d' Nameur (adon, k' esteut d' l' årmêye di Borgogne, mins ki cåzéve walon come lu.

III. Atot rvnant a Lidje pa Sint-Trond, i rescontere Tchantchesse d' astcheance

IV. Deujhinme vizite a Mardjôzefe; voyaedje dins l' avni e-n ipnôze.