Moustî-dlé-Nivele

Pol discramiaedje des årtikes avou l' mot « Moustî », loukîz cial.

Moustî-dlé-Nivele (la-minme e sistinme Feller, Moustieu-lé-Nivèle, prononcî Moustchë ^{aschoûtez lu}, sicrît Moustieu, e F. Monstreux), c' est èn ancyin ptit ban del Walonreye, rebané avou Nivele, e l' province do Roman Payis.

(wa) Moustî-dlé-Nivele – Moustieu ; Moustieu-lé-Nivèle
(fr) Monstreux

Pont d' armwereyes po Moustî-dlé-Nivele (Detays)
L' eglijhe do ptit ban.
Lingaedje oficir	Francès
Lingaedje coinrece	Walon do Coûtchant
Limero diyalectolodjike	Ni 87
Limero del posse	1403 (1969-1977) 1400 (asteure)
Spotaedje des dmorants	?
Eplaeçmint	- Nivele - Arondixhmint di Nivele - Province do Roman Payis - Walonreye - Beldjike
Sitindêye	?
Peuplåcion (2023)	?
Dinsité (asteure)	/
Coisse d' eure	ECG (ECG+1) / CEST (UTC+2)
Preficse telefonike	(+32) 067

Peuplåcion

Vocial padzo des sitatistikes tot rwaitant li peuplåcion do ban :

• 1709 : 152 dmorants
• 1755 : 185 dimorants
• 1801 : 221 dmorants
• 1846 : 333 dmorants
• 1910 : 277 dimorants
• 1961 : 228 dmorants

Toponimeye

• al Tîlreye (alou) (Tîlrêye, fr. Tilleraye, Thuillerie)
• Bos do planti (inte Moustî et Arkene)
• El cinse do Poujhon (la-minme èl Pûjon)
• El tchimin des casses.
• Granbay (la-minme, Granbé, fr. Granbay, signeurreye metowe so Nivele et Moustî.

Rilidjon

Eglijhe Sint-Mitchî.

Perlinaedje a sint Driyin al Tîlreye po les mås d' dint.

On va rclamer sint Pire dizo l' no di sint Breyåd a l' eglijhe, po les efant målåjheys, l' ont l' breya.

Istwere

Viyaedje diné å tchapite di Nivele e 877.

Mins gn ava des rujhes avou l' dutchî do Braibant ki vleut Årdjetea-dzo-Moustî al kimince do 13inme sieke.

A volou esse rebané avou Bournivå dizo l' redjime francès, mins l' pordjet fjha berwete.

Tuzance walone

Sicrijheus e walon

Emmanuel Despret î a stî scretaire cominå.

Accints do walon

Li cawete -aedje î shûveut l' accint do walon do Mitan (-adje), dabôrd k' a Nivele, c' est l' ci do [[walon do Coûtchant (-âdje).

Ratourneures

Å cwårdjeu a cwate, on traite di «mariaedje di Moustieu» deus ki sont-st eshonne a on djeu d' cwåtes (metans å coyon, et ki s' fwaiynut des senes po s' dire les cwårdjeus k' il ont.