Noveles et Binde ås desséns

Èn årtike di Wikipedia.
Aller à la navigation Aller à la recherche

Novèles èt Binde à dèsséns

Noveles et binde ås desséns (Novèles èt Binde à dèsséns), c' est on live di noveles sicrîtes pa Jacques Desmet avou ene binde d' imådjes al fén, dessinêye pa José Schoovaerts.

Li live, di 192 pådjes, a vudî e 2020, eplaidî pa Jacques Desmet, dizo libe licince CC-BY-SA 4.0.[1]

Istwere do pordjet[candjî | candjî l’ côde wiki]

Les noveles ki Djåke Desmet sicrijha al fén des anêyes 2010 avént stî rashonnêyes dizo diferins tites, «Noveles a n' nén mete dins totes les mwins», «Noveles d' asteure» eyet «Noveles di nos biesses». E 2020, li scrijheu a yeu meyeu d' elzès rmete eshonne, tot radjoutant li binde d' imådjes fwaite avou José Schoovaerts e-n on seu live.

Corwaitaedje do walon[candjî | candjî l’ côde wiki]

Li scrijheu a eployî deus cogne diferinnes po walon. Dins kékes noveles, il uze do ci d' Mélin, dins l' roman payis, k' on ricnoxhe did lon avou li scrijha ë ki note li son e, li spotchåve voyale di ces coines la. Mins dins l' pupårt des noveles, i scrît e rfondou namurwès lomé vaici «lingaedje di Såvadjénne».

Sacwants mots ont prins on sinse k' i n' avént nén dins les motîs classikes:

Nosse man, ele vôreut bén k’ dji m’ freu curé; c’ est po ça k’ ele nos a metou a scole dilé les ptits frés; dji sondje a ça, tot wespiyant mes frés po k' i rotnuxhe ene miete pus rade.[2][3]

Li binde d' imådjes[candjî | candjî l’ côde wiki]

Ele si lome «Les Dålon». C' est cwate fis des Walons ebagués e l' Amerike ki sont rivnou d' å lon po s' rastaler e l' Walonreye. Et divni des hapeus d' boûsse, sotnou pa leu viye mame.

Les persounaedjes sont des vraiys waloneus, ki s' divrént bén ricnoxhe.

Li binde d' imådje est eplaideye e noer et blanc, mins li dessineu aveut metou kékes bokets d' plantches e coleur.

Shuvance[candjî | candjî l’ côde wiki]

Sacwants des noveles ont parexhou e rfondou walon dins l' Rantoele-gazete. Ele sont rlijhåves so Wikisourd a pårti del mwaisse modêye e sistinme Feller.

Corwaitaedjes[candjî | candjî l’ côde wiki]

Vindince[candjî | candjî l’ côde wiki]

Li live a stî saetchî a 150 ezimplaires, vindous dins les livrêyes di Djiblou, et direk på scrijheu.

Hårdêye difoûtrinne[candjî | candjî l’ côde wiki]

Wikisource-logo.svg so Wikisourd: Novèles èt Binde à dèsséns (ene pårteye do live)

Sourdants eyet pî-notes[candjî | candjî l’ côde wiki]

  1. Desmet, J. & Schoovaerts, J. (2020). Novèles èt Binde à Dèsséns. Éd. Jacques Desmet. p. 2.
  2. Desmet, J. & Schoovaerts, J. (2020). Novèles èt Binde à Dèsséns. Éd. Jacques Desmet. p. 8.
  3. Li viebe «wespiyî» n' esteut classicmint k' on viebe sins coplemint.