Pårt et rvindje (powinme)
Paurt èt r'vindje
Pårt et rvindje (Paurt èt r'vindje), c' est on long powinme sicrît pa Émile Gilliard. Il a vudî e 1990, come limero speciå des Cayés walons (53inme anêye, lº 7-8, djulete-awousse 1990).
C' est ene longue tuzinne so l' esperyince del fwè. I gn a ene direye sol pådje di tite : Li Bon Diè scrît drwèt su dès chaléyès rôyes
Ci powinme la a stî scrît e 1953 et coridjî ey epådjné e 1988.
Corwaitaedje[candjî | candjî l’ côde wiki]
Les arimés, c' est des shijh-pîs u des ût-pîs. Dins ç' powinme la, Gilliard si sieve d' on «o» avou on tilde (õ) k' on n' voet waire ôte påt dins ses lives : sõlante, õrbëre, võye…[1]
Totavå dins l' powinme (dedja dins l' tite) i gn a des imådjes k' ont a vey avou les cwårdjeus.
- Gn-a l' vwès do p'tit Zidõre qui chîle
- èt ratchaweter à mès-orèyes :
- « Ti f'rès bèrwète, c'èst li qu'a l' mwin,
- dès sots come twè, s' gn-a onk au cint! »
- Djè l' lê rûtî jamês parèy.
- C'èst paurt èt r'vindje, mâchîz-l',
- nosse djè. Dj'a lès r'wêtants à dint,
- qu'i l' rabatenuche èt carwêtî! […]
- On continûwe, ècor one mache.[2]
Ene ôte imådje do crustin ki s' cobat avou l' fwè, c' est l' bribeu, sapinse Gilliard :
- On-z-èst todi mièrseû, foû skwêre
- come li bribeû qu’ bèrote au gnût
- dins dès viladjes qu’i conèt wêre […]
- come li bribeû
- qui cache au gnût
- après dès sauyes
- èt d' l'amougnî
- aviè l' cina,
- dins l' frède creuweû[3]
Sourdants[candjî | candjî l’ côde wiki]
- ↑ Émile Gilliard, Paurt èt r'vindje (Cayés walons, 53inme anêye, lº 7-8, djulete-awousse 1990), p. 122.
- ↑ Minme sourdant, p. 134-135.
- ↑ Minme sourdant, p. 128.