Powezeye e walon
Li powezeye e walon, c' est del powezeye (nén djusse des scrijhaedjes a môde d' arimés) k' est scrîte e peur walon.
Istwere del powezeye e walon
[candjî | candjî l’ côde wiki]Li prumire wache del powezeye e walon va soude avou Tchåle Simonon diviè les anêyes 1830. On les pout lomer les romantikes. Ele durrè on bon sieke. Onk di ses mwaisses riprezintant, ci fourit Djôzef Mignolet.
Al fén do 19inme sieke, kimince do 20inme sieke, gn årè, avou, sacwants fjheus d' epopêyes (Michel Renard, Louis Lagauche, Djôzef Mignolet) ki plèt esse waitîs come les rprezintants del powezeye lirike e walon.
Li powezeye imådjrece va aspiter dins les anêyes 1950 avou l' djermêye 48 et les grands nos seront Georges Smal, Jean Guillaume, Emile Lempereur, shuvous di Lucyin Somme, René Clinias, Victor George et motoit Lisa Chastelet. Il avént stî dvancîs pa Henri Bragard (lijhoz pa egzimpe L' aironde).
Gn ava, diviè les anêyes 1970, ene djermêye di powetes ermetikes, rashonnés åtoû d' Albert Lovegnée eyet Eli Michel; on î pout radjouter Albert Maquet (dedja, metans, dins Djeu d' apeles, 1947).[1].
Les pus grands powetes del fén do 20inme sieke et do kiminçmint do 21inme sieke vinèt des "Scrijheus do Cinte" : c' est des djins come David André, Dominique Heymans et Christian Quinet. I polnut esse rindjîs a tchvå so les deus dierins mouvmints.
Di tos ces trevéns la, gn a todi yeu beacôp des powetes reyalisses, avou.
Sourdant
[candjî | candjî l’ côde wiki]- ↑ Mins purade veyous come del powezeye imådjrece pa Maurice Piron La Vie wallonne l° 239, 3/1947, p. 226-229.