Rîle tipografike Francård
Li rîle tipografike Francård, c' est ene piceure po-z enairer les scrijhaedjes e walon, tot metant èn espåce, a tot côp bon, dirî tchaeke apostrofe.
Istwere di l' atuze[candjî | candjî l’ côde wiki]
Li rîle a stî atåvlêye pa Michel Francard et aplikêye dispu 1994 el rivuwe Singulîs pu dins l' Motî d' Bastogne.
Elle a stî rprinjhe e rfondou dispu li cminçmint, e 1996.
Advintaedjes[candjî | candjî l’ côde wiki]
A pårti d' l' arivêye des rcoridjreces otomatikes so les programes aspougneus d' tecses des copiutreces, li rîle da Francard permeteut, en ene houbonde, di mete d' adrame les spåces tipografikes di tolminme ké tecse e walon, sicrît sins crolete divintrinne ni coron-stitchete.
Manaedjmint di l' apostrofe e sistinme Feller[candjî | candjî l’ côde wiki]
Dins les sistinmes Feller classikes, gn aveut sovint des espåces divant cossoune
- li fi di m'_pa
mins nén divant voyale
- dj'a fwin.
Gn aveut bråmint des croles divintrinnes.
- elle est m'nowe (elle est vnowe).
Li corwaitaedje des troes sacwè n'esteut nén åjhey, çou ki moennéve a des droles di tipografeyes, la k' des mots estént côpés a deus pa ene crole divintrinne. Les meyeus scrijheus et les pus felès soces di belès letes ont-st eplaidî des scrijhaedjes avou des sfwaitès flotches.
