Assimilaedje di lete

Èn årtike di Wikipedia.
(Redjiblé di Rimagnaedje di letes)
Sauter à la navigation Sauter à la recherche

Wiktionary-logo.svg

Po des linwincieusès racsegnes sol mot "assimilaedje", alez s' vey sol Wiccionaire

Èn assimilaedje di lete, c' est cwand ene di deus cossounes metowes ene dilé l' ôte, piede si son prôpe, et prinde li son d' l' ôte.

Sôres d' assimilaedje[candjî | candjî l' côde wiki]

Egzimpe di dobe assimiladje sicrît podbon
  • l' assimilaedje dirîtrin u assimilaedje del deujhinme cossoune (Fr. assimilation progressive) : c' est l' cossoune k' est padrî l' ôte, dins l' mot, ki rcandje:
TCH + V = tch f (loukîz a : dobe son DJ V)
on tchvå => on tchfå
N + D = nn
endè = ènnè
  • l' assimilaedje divantrin u assimilaedje del prumire cossoune (Fr. assimilation progressive) : c' est l' cossoune k' est padvant l' ôte, dins l' mot, ki rcandje:
D + M = n m
on dmande => /ɔ̃ nmãt/; admete => [anmɛt]
D + N = n n
po dner => [po nne]; di dnêye : /di nnɛ:y/
S + B = zb
sbarer, Hesbaye, disbene => /zba.re/, /Hez.baj/, /diz.bɛn/
B + /s/ = ps
abcès, abshuvant => /ap.sɛ/ /ap.ʃyː.vã/
V + T = ft
havter, covtoe => /haf.te/ /kɔf.twɛ/
<>
  • li dobe assimilaedje: les deus cossounes ricandjnut :
DJ + N = gngn
on djno => on gngno /ɲɲo/
a Djnape => a Gngnape /ɲɲap/

Ôtes assimilaedjes dins les accints do walon[candjî | candjî l' côde wiki]

on tchvå => on djvå (loukîz a : dobe son DJ V)
Invna => Inmna; il a vnou => il a mnou
i nd a = i dd a.
  • E payis d' Djodogne, li shuvion N + M divént mm :
Ene miete: om mièt. [1]

Assimilaedje di lete dins des ôtes lingaedjes[candjî | candjî l' côde wiki]

neyerlandès[candjî | candjî l' côde wiki]

E neyerlandès, c' est a pô près l' minme djeu.

het volk (li peupe) => het /folk/

espagnol[candjî | candjî l' côde wiki]

Gn a eto des assimilaedjes e castiyan.

un poco (ene miete) => /om poko/

arabe[candjî | candjî l' côde wiki]

Èn assimilaedje rimarcåve, c' est l' ci ki s' passe avou l' årtike divant ene sôre di cossoune lomêye «solrece»

Miniauge.gifLoukîz a : Croejhete_di_l'_arabe#Prononçaedje

arabe marokin[candjî | candjî l' côde wiki]

Minme sacwè k' èn arabe classike, mins co avou ene u deus cossounes di pus.

Miniauge.gifLoukîz a : Croejhete di l' arabe marokin#Årtike

kimon amazir marokin[candjî | candjî l' côde wiki]

Les mots d' arabe marokin sont calkés e cmon amazir marokin avou leu-z årtike assimilé, riscrît foneticmint.

Metans: arabe al-djadida (El Djadida, veye do Marok) => arabe marokin l-jdida avou assimilaedje divantrin, çou ki dene: j-jdida (prononcî, mins måy ortografyî), ralfabetijhî «jjdida» (ⵊⵊⴷⵉⴷⴰ).

Li djeu d' assimilaedje k' on voet al resconte d' ene vuzlêye cossoune avou ene divuzlêye dins toplin des lingaedjes shonne roter eto e cmon amazir marokin.

nekki d keyyi (mi et vos) => /nəkki t kəjji/

Dalaedje.gif

Hårdêye difoûtrinne[candjî | candjî l' côde wiki]

Sourdants & pî-notes[candjî | candjî l' côde wiki]

  1. Loukîz l' notåcion foirt fonetike da Jean-Jacques Gaziaux dins ses studias.